«جولاۋشىلار تاسىمالى» اق پوشتالىق بولىمشەلەر ارقىلى بيلەتتەر ساتىپ الۋ سەرۆيسىن ءتورت جىل بۇرىن ىسكە قوسقان بولاتىن. سول كەزدە, ياعني 2015 جىلى 2738 بيلەت ساتىلسا, 2016 جىلى – 100 مىڭنان استام, 2017 جىلى 194281 بيلەت ساتىلعان بولاتىن.
بۇگىنگى تاڭدا جول ءجۇرۋ قۇجاتتارىن (بيلەتتەردى) «جولاۋشىلار تاسىمالى» اق 233 كاسساسى ارقىلى, 4500 استام جەكە بيلەت كاسسالارى, سونداي-اق كوميسسياسىز EPAY.RAILWAYS.KZ رەسمي سايتى جانە وزگە دە ينتەرنەت-رەسۋرستارى ارقىلى ساتىپ الۋعا بولادى.
سونداي-اق ۇلتتىق تاسىمالداۋشى ازاماتتاردى بيلەت ساتىپ الاردا كۇدىكتى بوتەن تۇلعالاردىڭ قىزمەتىن پايدالانباۋعا شاقىرادى. بيلەتتەردى قايتا ساتۋمەن زاڭسىز اينالىسۋ فاكتىلەرىن بايقاعان بولسا ازاماتتىق ۇستانىم تاڭىتىپ, قىزمەتكەرلەرى ۇنەمى ۆوكزالدا بولاتىن قر ءىىم كولىكتەگى پوليتسيا دەپارتامەنتىنىڭ جەلىلىك پوليتسيا بولىمدەرىنە جۇگىنۋدى ۇسىنادى.
