ءوزىنىڭ ەڭبەك جولىن سۇلتانبەك ماكەجانوۆ 1983 جىلى جول شەبەرى بولىپ باستادى, كەيىن ينجەنەر-گەودەزيست, قۇرىلىس ۋچاسكەسىنىڭ شەبەرى بولدى. 1985-1990 جىلدار ارالىعىندا الماتى قالاسىنداعى قازاقستاننىڭ لكجو-نىڭ اۋداندىق, قالالىق كوميتەتتەرىندە باسشىلىق قىزمەتتەردە بولدى. 1990-2002 جىلدار ارالىعىندا جەكە سەكتوردا جۇمىس جاسادى. «استانا حولدينگ بانك» توراعاسىنىڭ ورىنباسارى, «كازاحينۆەست» كورپوراتسياسىنىڭ ۆيتسە-پرەزيدەنتى بولدى.
مەملەكەتتىك باسقارۋ ورگاندارىندا مول تاجىريبە جيناقتادى. ماڭعىستاۋ وبلىسى اكىمى اپپاراتىنىڭ باسشىسى, اكىمنىڭ ورىنباسارى قىزمەتتەرىن اتقاردى. 2005 جىلدان باستاپ الماتى قالاسىندا ەڭبەك ەتۋدە. قالا اكىمى اپپاراتى باسشىسىنىڭ ورىنباسارى, تابيعي رەسۋرستار جانە تابيعاتتى پايدالانۋدى رەتتەۋ باسقارماسىنىڭ باسشىسى, مەدەۋ اۋدانىنىڭ اكىمى بولدى.
2016 جىلدىڭ مامىرىنان الماتى قالاسى اكىمىنىڭ ورىنباسارى قىزمەتىن اتقاردى.
الماتى اكىمى باۋىرجان بايبەك اۋدان اكتيۆىمەن جيىن بارىسىندا جاڭا اكىمنىڭ الدىنا بىرقاتار ماڭىزدى مىندەتتەر قويدى.
مەدەۋ اۋدانى قالانىڭ عىلىم, ءبىلىم جانە مادەني ورتالىعى بولىپ تابىلادى. مۇندا قازاقستاننىڭ عىلىم اكادەمياسى, رەسپۋبليكا سارايى, مەملەكەتتىك ورتالىق مۋزەي, ءىرى پاركتەر, كينوتەاترلار, قالا تۇرعىندارى مەن تۋريستەر تىنىعاتىن كورنەكى ورىندار ورنالاسقان. وسىعان وراي اۋدان اكىمى ەڭ الدىمەن اباتتاندىرۋعا, جاسىلداندىرۋعا, ورتالىق كوشەلەردەگى, پاركتەردەگى, الاڭدارداعى تازالىققا, نىسانداردىڭ ارحيتەكتۋرالىق كەلبەتتەرىنە ءبىرىنشى كەزەكتە نازار اۋدارعانى ءجون. ايتا كەتەرلىگى, بيىلعى جىلى اۋداندا 7 پاركتەر مەن سكۆەرلەر سالۋ, 100 اۋلاعا جوندەۋ جۇرگىزۋ, دوستىق داڭعىلى مەن ايتەكە بي كوشەسىن مودەرنيزاتسيالاۋ جوسپارلانعان.
دەگەنمەن, اۋداندا ورتالىقتاندىرىلعان سۋ قۇبىرى مەن كارىزگە قوسىلماعان تۇرعىن ۇيلەر ءالى دە بار. ولار كامەنسكوە پلاتوداعى تۇرعىن كەشەنى (1500 ءۇي), بايقوڭىر كوشەسى (كوپقاباتتى 11 تۇرعىن ءۇي), بۋتاكوۆكا ىقشام اۋدانى (250 ءۇي) بۇلارداعى 8 مىڭعا جۋىق ادام ورتالىق جۇيەلەرگە قوسىلماعان. اۋدان اكىمى قالالىق ەنەرگوتيىمدىلىك جانە ينفراقۇرىلىمدىق دامۋ باسقارماسىمەن بىرگە وسى تۇرعىن كەشەندەرىنە سۋ جانە كارىز جەلىلەرىن تارتۋ ماسەلەسىن شەشۋ شارالارىن قاراستىرعاندارى ءجون. دۋمان ىقشام اۋدانىنىڭ 30 مىڭعا جۋىق تۇرعىنى بار, بيىل مۇندا ينجەنەرلىك جەلىلەردى تارتۋ جۇمىسى اياقتالعانىمەن, اسفالت توسەلمەي قالعان. اۋدان اكىمى قالالىق موبيلدىلىك باسقارماسىمەن بىرگە 23 كم جول مەن كم تروتۋاردى قالپىنا كەلتىرۋى ءتيىس.
بۇلاردان وزگە, اۋدان اكىمى ءبىلىم باسقارماسىمەن بىرگە ءمجا اياسىندا كاسىپكەرلەردى مەكتەپتەر سالۋ ىسىنە كەڭىنەن تارتۋى ءتيىس.
جالپى, سوڭعى ءۇش جىل ىشىندە مەدەۋ اۋدانىندا كوتەرمە ساۋداداعى تاۋار اينالىمى 50%-عا, نەگىزگى كاپيتالعا ينۆەستيتسيا 49%-عا, سالىق تۇسىمدەرى 36%-عا ارتتى. نازارباەۆ, اباي, دوستىق داڭعىلدارى, گوگول, قابانباي باتىر كوشەلەرى, «اباي» الاڭى, ورتالىق مادەنيەت جانە دەمالىس پاركى جاڭعىردى. حايۋاناتتار پاركىن جوندەۋ اياقتالىپ قالدى. 50-دەن استام جەكە بالا باقشالار, ميني-ورتالىقتار اشىلدى, سونىڭ ارقاسىندا اۋداندا بالا باقشا كەزەگى 35%-عا قىسقاردى. اۋلالاردىڭ 80%-ى نەمەسە 400 اۋلا جاڭاردى.
