ماقسات – ازاماتتاردىڭ تۇرمىسى مەن تىنىعۋى ءۇشىن ەكولوگيالىق تازا جاعداي جاساۋ, ولارعا وتباسىلارىمەن بىرگە دەمالۋىنا ىڭعايلى جاعداي جاساۋ. جەلەكجولدار مەن گۇل باقتارى تولىعىمەن اباتتاندىرىلىپ, كوگالداندىرىلماق. سونداي-اق, ولار جارىقپەن قامتاماسىز ەتىلەدى, سپورتتىق جانە بالالار ويىن الاڭدارى, شاعىن ارحيتەكتۋرالىق نىساندار ورناتىلادى. قورشاعان ورتانى قورعاۋ جانە تابيعاتتى پايدالانۋ باسقارماسىنىڭ مالىمەتتەرى بويىنشا, 2019 جىلى كەلەسى ساياباقتار مەن گۇل باقتارىنىڭ قۇرىلىسى جوسپارلانعان: ءى.ەسەنبەرلين كوشەسىنىڭ الاڭى, № 36 ءۇي اۋدانى. گۇل باعىنىڭ جالپى اۋدانى – 4783,9 شارشى مەتر, قۇرىلىس-مونتاج جۇمىستارى 2019 جىلدىڭ مامىرىنان شىلدە ايىنا دەيىن جۇرگىزىلەدى دەپ جوسپارلانعان.
ب.مايلين كوشەسى № 9 ءۇيدىڭ جانىنداعى الاڭ. گۇل باعىنىڭ جالپى اۋدانى – 7521,7 شارشى مەتر. قۇرىلىس-مونتاجداۋ جۇمىستارى 2018 جىلدان بەرى جۇرگىزىلۋدە. قۇرىلىستى اياقتاۋ مەرزىمى – 2019 جىلدىڭ شىلدەسى.
مولداعۇلوۆ كوشەسىندەگى گۇل باعى, № 19 جانە № 21 ۇيلەردىڭ اۋدانى. قوعامدىق گۇل باعىنىڭ اۋدانى 14113,9 شارشى مەتردى قۇرايدى. قۇرىلىس-مونتاجداۋ جۇمىستارى 2018 جىلدان بەرى جۇرگىزىلۋدە. قۇرىلىستىڭ اياقتالۋ مەرزىمى – 2019 جىلدىڭ قىركۇيەگى.
سارىارقا داڭعىلىنداعى № 23 ءۇيدىڭ جانىنداعى گۇل باعى. جالپى اۋدانى – 5917 شارشى مەتر. قۇرىلىس-مونتاج جۇمىستارى 2019 جىلدىڭ ماۋسىمىنان قىركۇيەك ايىنا دەيىن جالعاسادى دەپ جوسپارلانعان.
اباي داڭعىلىنداعى جەلەكجول, كۇلتوبە كوشەسىنەن سەمبينوۆ كوشەسىنە دەيىن جانە ەگەمەن قازاقستان كوشەسىنەن ب.بەيسەكباەۆ كوشەسىنە دەيىنگى اۋماق. جەلەكجولدىڭ اۋدانى – 9087 شارشى مەتر. قۇرىلىس جۇمىستارى 2018 جىلدان بەرى جۇرگىزىلۋدە. جۇمىستار 2019 جىلدىڭ قىركۇيەگىندە اياقتالماق.
جەڭىس داڭعىلىنىڭ جانە ا. جانگەلدين كوشەسىنىڭ قيىلىسىنداعى جەلەكجول. قۇرىلىس اۋدانى – 3087,6 شارشى مەتر. جوسپارعا سايكەس قۇرىلىس-مونتاج جۇمىستارى 2019 جىلدىڭ ماۋسىمىندا باستالىپ, قىركۇيەك ايىندا اياقتالادى.
