«وبلىس ەكونوميكاسىن دامىتۋ ءۇشىن ونەركاسىپتى دامىتۋعا جاعداي جاسالۋى ءتيىس. وبلىستا 9 يندۋستريالدى ايماققا تالداۋ جۇرگىزىلىپ, ولاردىڭ ناشارلاعانى نەمەسە مۇلدەم جۇمىس ىستەمەيتىنى انىقتالدى. وسى 9 جۇمىس ىستەمەيتىن ايماقتىڭ ورنىنا ماشينا قۇراستىرۋ, ازىق-ت ۇلىك ءوندىرىسى مەن جەڭىل ونەركاسىپ, قۇرىلىس يندۋسترياسى سەكىلدى باعىتتا بەلسەندى سەرپىن بەرەتىن 3 يندۋستريالدى ايماققا كۇش سالامىز. نەگىزگى قارجى وسى جوبالارعا سالىنادى», دەدى ءو.شوكەەۆ.
اتاپ ايتقاندا ولار كەنتاۋ, تۇركىستان قالاسى مەن ورداباسى اۋدانىندا بولادى. ماسەلەن كەنتاۋداعى 25 گەكتارداعى ايماقتىڭ كولەمى 300 گەكتارعا ۇلعايتىلادى. ەندىگى كەزەكتە يندۋستريالدى ايماقتى ارزان ەنەرگەتيكالىق قورمەن قامتاماسىز ەتۋ كەرەك. بۇل ءۇشىن كەنتاۋ قالاسىنداعى جىلۋ ەلەكتر ورتالىعى قايتا قۇرىلىپ, گازبەن قامتۋ ينفراقۇرىلىمى جۇرگىزۋ جوسپارلانۋدا. سونىمەن قاتار, وبلىس اكىمى ءوڭىر ەكونوميكاسىنىڭ باستى درايۆەرى – اۋىل شارۋاشىلىعى سالاسىنا قاتىستى توقتالدى. اۋىل تۇرعىندارىن جۇمىسپەن قامتاماسىز ەتىپ, سالاعا ەرەكشە نازار اۋدارۋ قاجەتتىگىن ايتتى.
«بۇگىندە وبلىستا اۋىل شارۋاشىلىعىنا ارنالعان 6,7 ملن. گەكتار جەر بار, ونىڭ ىشىندە 5,6 ملن گەكتار جايىلىمدىق جەر, 518 مىڭ جەر تەلىمى جانە 425 مىڭ گەكتار سۋارمالى جەر بار. سالانىڭ قارقىندى دامۋىن قامتاماسىز ەتۋ ءۇشىن قوسىمشا 250 مىڭ گەكتار جەردى سۋارمالى جەر قاتارىنا قوسۋ قاجەت. سەبەبى, سۋارمالى جەردەن تۇسەتىن كىرىستەر 3-4 ەسە جوعارى بولادى. اتالعان جەردى اينالىمعا ەنگىزۋ ارقىلى قوسىمشا وبلىستىڭ 20 مىڭ تۇرعىنىن جۇمىسپەن قامتۋعا بولادى», دەدى ايماق باسشىسى.
سونداي-اق وبلىس اكىمى ازىق-ت ۇلىك قاۋىپسىزدىگىن قامتاماسىز ەتۋ ماقساتىندا تۇركىستان قالاسىنا سۋ ارنالارىن جۇرگىزىپ, قاجەتتى ازىق-ت ۇلىك ءونىمىن ءوندىرۋدى دامىتۋ ارقىلى شاھاردىڭ اينالاسىنان «ازىق-ت ۇلىك بەلدەۋىن» قۇرۋ كەرەكتىگىن ايتتى.
