باتىر بايان كوشەسىندە كوپ قاباتتى تۇرعىن ءۇيدىڭ ورتەنىپ جاتقانى جايلى حاباردى ازاماتتىق قورعانىس سەرجانتى تاڭشولپان ايماعامبەت قابىلداپ الىسىمەن, وقيعا ورنىنا شۇعىل تۇردە ەكى ەكيپاج اتتانعان.
قۇتقارۋشىلار كەلە سالىپ, ءورتتى ەڭسەرۋگە كىرىسكەن. ولاردىڭ قىراعى كوزدەرى توعىزىنشى قاباتتا ءورت شىققان بالكوندا جىلاپ تۇرعان بالانى بايقاپ قالعان. ءورت سوندىرۋشىلەر وعان جەدەل جاردەم بەرۋگە ۇمتىلعان. ارمان ماتين, اسحات جاسۇلانوۆ مايور دانيار اقجىگىتوۆتىڭ باسشىلىعىمەن ءجىتى قيمىلداپ, ء ورت اۆتوباسپالداعى ارقىلى 30 مەتر بيىكتىكتەن 2010 جىلى تۋعان بالانى ءدىن امان الىپ شىققان. وعان تەز ارادا مەديتسينالىق, پسيحولوگيادىق كومەكتەر كورسەتىلگەن.
قىزىل جالىندى وقشاۋلاپ, سوندىرۋگە 19 جەكە قۇرام مەن 5 ءورت ءسوندىرۋ تەحنيكاسى جۇمىلدىرىلدى.
