رۋلگە وتىرعان مۇگەدەك بالالاردىڭ اتا-انالارى كولىگىنە اق جالاۋشا جانە «Stop autism» لوگوتيپىن جانە «شەكسىز الەم» سوزدەرىن جاپسىرىپ الدى. ولار العان باعىت قوستاناي قالاسىنىڭ ءبىر شەتىندەگى «استىقجان» سۋپەرماركەتىنەن شىعىپ, ورتالىق اباي داڭعىلىمەن ءجۇرىپ وتىرىپ, گاگارين كوشەسىنە بۇرىلىپ, قالانىڭ ەكىنشى شەتىندەگى «قوستاناي-پلازا» سۋپەرماركەتىنە توقتادى. اۆتومارافونعا اۋتيزمنەن زارداپ شەگەتىن بالالاردىڭ 40 اتا-اناسى قاتىستى.
«بۇل شارانى وبلىستا ءبىرىنشى رەت قولعا الدىق. ونداعى ماقساتىمىز جەرلەستەرىمىزدىڭ نازارىن اۋتيزم پروبلەماسىنا اۋدارۋ بولدى. بىزگە بالالار مەن اتا-انالار قاجەتتى كومەگىن الاتىن قولداۋ ورتالىعى كەرەك. مارافوننان كەيىن كونتسەرت بولدى, سودان تۇسكەن قارجىمەن اۋتيزم پروبەماسى بار ادامداردى قولداۋ ورتالىعىن اشۋ جوباسى باستالدى دەپ ەسەپتەيمىز.وعان قايىرىمدىلىق كورسەتكىسى كەلەتىندەر بولسا, رەكۆيزيتىمىزدى بەرەمىز» دەيدى اۋتيزم بالالار اتا-انالارىنىڭ «Stop autism» قوعامدىق ۇيىمىنىڭ ءتورايىمى شىنار جالمۇحامەدوۆا.
قوستاناي وبلىسىندا اۋتيزم دياگنوزىمەن تۋعان 150-دەن اسا بالا بار. ءار اتا-انانىڭ ولاردى قاتاردان قالدىرماي دامىتۋعا, وزدەرى دە اقپاراتتار الىپ وتىرۋعا مۇمكىندىكتەرى جوق. شىنار ۆيكتورقىزىنىڭ ايتۋىنشا, ولار اشۋعا تالاپتانىپ جاتقان ورتالىق كوپ ماسەلەنى شەشتىن بولادى.
