ولار ءۇشىن قارجىلاي كوتەرمە اقى مەن جالدامالى باسپانا قاراستىرىلىپ قويىلعان. قازىر جەرگىلىكتى مەديتسينالىق مەكەمەلەردە سالالىق ماماندار جەتىسپەيدى. ماسەلەن, اللەرگولوگ پەن بالالار پۋلمونولوگى مۇلدەم تاپشى. بۇلاردان وزگە تەراپەۆت, انەستەزيولوگ-رەانيماتولوگ, اكۋشەر-گينەكولوگ, حيرۋرگ جانە ونكولوگ سىندى ماماندار دا قات. وسىنىڭ سالدارىنان كەزەكتى كوپ ۋاقىت توسۋعا تۇرۋعا تۋرا كەلەدى. ماسەلەن, № 1-ءشى ەمحانادا تەراپەۆتتىڭ قابىلداۋىنا بارۋ ءۇشىن كەمى ءبىر اي بۇرىن جازىلۋ كەرەك. ناۋقاسى اۋىر بالا قايدا قارالۋ كەرەك دەگەن ساۋال اتا-انالاردى كوبىرەك مازالايدى. № 3-ءشى قالالىق ەمحانادا بالالار وكۋليسى جوقتىعىنان باسقا ەمدەۋ ورىندارىنا بولماسا كورشى رەسەيگە بارۋعا ءماجبۇر.
دەنساۋلىق ساقتاۋ باسقارماسىنىڭ باسشىلىعى پروبلەمانىڭ بارىن جاسىرمايدى. بۇگىنگى كۇنى 230-داي, ونىڭ ىشىندە اۋىلدىق جەرلەرگە 80 جوعارى ديپلومدى مامان قاجەت.
«وتكەن جىلدان باستاپ اۋىلدارعا جولداما العان دارىگەرلەرگە 1,5 ميلليون تەڭگە مولشەرىندە ءبىر رەتتىك كوتەرمە اقى بەرىلەدى. 58 ماماندى قابىلدادىق, ولاردىڭ 40 شاقتىسى اۋىلدىق جەرلەرگە ورنالاستى.قالاعا كەلگەن ماماندارعا 500 مىڭ تەڭگە بەرىلەدى. جالدامادى پاتەرمەن قامتامسىز ەتىلەدى», دەيدى باسقارما باسشىسى تيمۋر سۇلتانعازيەۆ.
سونداي-اق وبلىس ورتالىعىندا قىزمەت ەتەتىن ماماندار «7-20-25» يپوتەكالىق باعدارلاماسى بويىنشا دا باسپانالى بولا الادى. ال اۋىلعا باراتىن اق حالاتتىلار ءۇشىن 30 جەر ءۇي ء ازىر تۇر. الايدا وسىنداي قولداۋلارعا قاراماستان كەلىپ جاتقان كادرلار ءالى از. تىعىرىقتان شىعۋ ماقساتىمەن وبلىس اكىمدىك تاراپىنان رەزيدەنتتەرگە ارنالعان 80 گرانت بولىنەدى. بۇل جاعدايدا 2-3 جىلدىق رەزيدەنتۋرانى بىتىرگەن ماماندارعا 5 جىل بويى جۇمىس ىستەۋ تالابى قويىلادى.
بىلتىردان بەرى م.قوزىباەۆ اتىنداعى سقمۋ-دا بولاشاق مەديتسينا قىزمەتكەرلەرى ءدارىس الادى.
