پلوگگينگ – جۇگىرۋ مەن تازالىقتى ۇشتاستىرۋ ارقىلى ەكولوگياعا قامقورلىق تانىتۋدىڭ ءبىر ءتۇرى. ناۋقانعا جاس شاماسى مەن سپورتتىق دايىندىعىنا قاراماستان بارلىق نيەت بىلدىرۋشىلەر اتسالىستى. شارا قالانىڭ بەس نۇكتەسىندە «جەرۇيىق» ساياباعى, بوتانيكالىق باق, ورتالىق جانە ترياتلون ساياباقتارىندا, سونداي-اق كەنەسارى ەسكەرتكىشى ماڭىندا ۇيىمداستىرىلدى.
اكتسيا ۇيىمداستىرۋشىلارىنىڭ
حابارلاۋىنشا, قالا تۇرعىندارى 300 قاپ قوقىس جينادى. سۇرىپتاۋدان كەيىن قايتا
وڭدەۋگە پلاستيكالىق جانە شىنى قۇتىلار, اليۋميني بانكالار مەن كارتون ىرىكتەلدى.
ەستەرىڭىزگە سالا كەتەيىك, «مەنىڭ قالام – تازا قالا» اكتسياسى «سپارتا استانا»,
«ءبىز تازا ەل ءۇشىن» ەكولوگيالىق قوزعالىستارى مەن «سپارتا استانا» كلۋبى جانە
نۇر-سۇلتان قالاسى اكىمدىگىنىڭ قولداۋىمەن ءوتتى.
