بۇل جۇمىستاردى جۇزەگە اسىرۋ ماقساتىندا شىمكەنت اكىمدىگى مەن «راحات-شىمكەنت» جشس اراسىندا جاڭا جۇمىس ورىندارىن اشۋدى كوزدەگەن ىنتىماقتاستىق مەموراندۋمى ءتۇزىلدى. مەموراندۋم قازاقستان رەسپۋبليكاسى مەن كورەيا رەسپۋبليكاسى اراسىنداعى بيزنەستىڭ باسەكەگە قابىلەتتىلىگىن ارتتىراتىن ماڭىزدى مەحانيزم بولىپ تابىلادى. سونىمەن قاتار تىعىز كوممەرتسيالىق بايلانىستى دامىتۋ ارقىلى ەكى جاقتى ينۆەستيتسيالاردىڭ كولەمىن ۇلعايتۋ جانە تەحنولوگيالاردىڭ ترانسفەرتى ءۇشىن نەگىز بولماق.
شىمكەنت قالاسى اكىمىنىڭ ورىنباسارى د.جۋمين يندۋستريالىق-يننوۆاتسيالىق دامىتۋدىڭ 2015-2019 جىلدارعا ارنالعان مەملەكەتتiك باعدارلاماسى اياسىندا ىسكە قوسىلعان «راحات-شىمكەنت» جشس-ءنىڭ جۇمىسىمەن تانىستى. كاسىپورىن جۇمىسشىلارىمەن كەزدەسىپ, فابريكانىڭ قالا ونەركاسىبىن دامىتۋدا ايرىقشا ۇلەسى بار ەكەنىن اتاپ ءوتتى.
«2001 جىلدان بەرى جۇمىس ىستەپ كەلە جاتقان فابريكا تمد, ەۋروپا, قىتاي جانە موڭعوليا ەلدەرى ءۇشىن ءونىم وندىرەدى. بۇل وتاندىق ءونىمنىڭ الەمدىك ستاندارتتارعا ساي ەكەنىن كورسەتەدى», - دەدى د.جۋمين.
تولىقتاي سوڭعى ۇلگىدەگى قوندىرعىلارمەن جابدىقتالعان زاۋىت بۇگىندە 30-دان استام اتاۋمەن 4 ءتۇرلى ءونىم وندىرەدى. فابريكادا 2018 جىلى 9 ملرد تەڭگە بولاتىن 21 مىڭ توننا ءونىم شىعارعان.
