شۆەتسيانىڭ
قازاقستانداعى ەلشىلىگى 2010 جىلى اشىلدى. 2017 جىلعى قازاننان بەرى شۆەتسيانىڭ
قازاقستانداعى ەلشىسى – ماتس فويەر. 2004 جىلى قازاندا
ەكىجاقتى قاتىناستاردىڭ تاريحىندا العاشقى رەت قازاقستاننىڭ تۇڭعىش پرەزيدەنتى –
ەلباسى نۇرسۇلتان نازارباەۆتىڭ شۆەتسياعا رەسمي ساپارى بولدى.
سوڭعى جىلدارى
شۆەتسيانىڭ ۇكىمەتتىك جانە ىسكەرلىك توپتارى قازاقستانمەن ساۋدا-ەكونوميكالىق
ىنتىماقتاستىقتى نىعايتۋعا ۇلكەن قىزىعۋشىلىق تانىتۋدا. 2015 جىلى شۆەتسيانىڭ
ۇكىمەتى قازاقستاندى شۆەد ءونىمىن ەكسپورتتاۋ ءۇشىن 26 باسىم ەلدەردىڭ تىزىمىنە
ەنگىزدى. شۆەتسيا قازاقستاننىڭ سولتۇستىك ەۋروپا مەملەكەتتەرىنىڭ ىشىندەگى باستى
ساۋدا ارىپتەسى بولىپ كەلەدى. 2018 جىلى ەكى ەل اراسىنداعى ساۋدا اينالىمى 448,4
ملن. اقش دوللارىن, سونىڭ ىشىندە, قازاقستاننان ەكسپورت – 305,2 ملن., ال
شۆەتسيادان يمپورت – 143,2 ملن. دوللارىن قۇرادى.
قازىرگى كەزدە
قازاقستاندا دەنساۋلىق ساقتاۋ, تەلەكوممۋنيكاتسيالىق تەحنولوگيالار, ەنەرگەتيكا مەن
قورشاعان ورتا, كولىك, ءبىلىم بەرۋ جانە ت.ب. سالالاردا قىزمەت ىستەيتىن شۆەد
كومپانيالارىنىڭ 30-دان استامى ۇسىنىلعان. ولاردىڭ ىشىندەگى 15 كومپانيا
قازاقستانداعى وزدەرىنىڭ وكىلدىكتەرىن ورتالىق ازيانىڭ باسقا مەملەكەتتەرىندە
بيزنەس جۇرگىزۋ ءۇشىن قولدانادى.
قازاقستاندا
شۆەتسيانىڭ Ericsson, Volvo, Scania, ABB, Atlas Copco, Electrolux, Oriflame,
H&M سياقتى ءىرى كومپانيالارى قىزمەت ەتەدى. ال, Ericsson كومپانياسى
قازاقستانداعى ۇيالى بايلانىستى قامتاماسىز ەتەتىن قۇرىلعىلاردىڭ ۇلكەن بولىگىن
قۇرايدى.
قازاقستاندىقتار
كۇندە ءسۇت, شىرىن ىشەتىن Tetra Pak قاپتاماسى شۆەتسيادا شىعارىلعان.
