بايقاۋ 8-23 ءساۋىر ارالىعىندا اسپاپتىق سولو, اسپاپتىق انسامبل – كلاسسيكا, حالىق اسپاپتارى, حورمەن ءان ايتۋ, ەسترادالىق ءان ايتۋ, ۆوكالدىق انسامبل, حالىقتىق ءان ايتۋ, حالىق ءبيى, زاماناۋي بي, پوەزيا, تەاتر, فوتوسۋرەت, بەينەلەۋ ونەرى, ەرەكشە جانر سياقتى 14 نوميناتسيا بويىنشا وتەدى. سالتاناتتى اشىلۋ ءراسىمىن «حورەوگرافيا» جانرىنىڭ كونكۋرستىق باعدارلاماسى جالعاستىردى. 50-دەن استام ءبىلىم بەرۋ ۇيىمى 8-11 جاس, 12-14 جاس, 15 جاس جانە ودان جوعارى جاس ساناتتارىندا «حالىق ءبيى» نوميناتسياسىنا قاتىسادى.
«شاتتىق-2019» تۇجىرىمداماسىنىڭ نەگىزى رەتىندە « ۇلى دالانىڭ جەتى قىرى» اتتى ماقالا الىندى, وندا نۇرسۇلتان نازارباەۆ: « ۇلى دالانىڭ فولكلورى مەن اۋەندەرى قازىرگى زامانعى تسيفرلىق فورماتتا» شىرقالۋى قاجەت ەكەنىن اتاپ وتكەن بولاتىن. كونكۋرس «جاڭا ءداۋىر – جاڭا كوزقاراس» ۇرانىمەن وتەدى. بيىل «شاتتىق» بايقاۋىنىڭ ءوز جاڭالىعى بولۋى مۇمكىن. قاتىسۋشىلار تەاتراليزاتسيا, ۆيزۋاليزاتسيا جانە باسقا دا قۇرالداردى پايدالانا وتىرىپ, ءوز شىعارماشىلىعىن جاڭا باعىتتا ۇسىنادى.
«مىسالى, الەمگە ايگىلى مۋزىكالىق شىعارما جاڭا ينتەرپرەتاتسيادا ورىندالا الادى, سونىمەن قاتار, اۋەن وزىندىك ۆيزۋاليزاتسيا ارقىلى جاڭا فورماعا يە بولادى», – دەپ ءتۇسىندىردى وقۋشىلار سارايىنىڭ الەۋمەتتىك جوبالار ادىستەمەلىك ورتالىعىنىڭ مەڭگەرۋشىسى ناتاليا كراسنوشتانوۆا. بايقاۋ 23 ساۋىردە «قازاقستان» وكز ساحناسىنداعى گالا-كونتسەرتپەن اياقتالادى.
