قالا اكىمىنىڭ ورىنباسارلارى د.جۋمين مەن ب.مامىتاليەۆ كاسىپورىننىڭ جۇمىسىمەن تانىسۋعا ارنايى باردى. ونىمدەرى بارلىق ەۆروپالىق ستاندارتتارعا سايكەس كەلەتىن زاۋىت باسشىلىعى جەرگىلىكتى قۇرىلىس كومپانيالارىنىڭ وكىلدەرىنە ءوز ونىمدەرىن تانىستىردى.
قالا اكىمىنىڭ ورىنباسارلارى زاۋىت مەملەكەتتىڭ جالپى سۇرانىسىنىڭ 40 پايىزدان استامىن قامتاماسىز ەتىپ وتىرعانىن ايتىپ, سالىنىپ جاتقان قۇرىلىسقا وتاندىق ءونىمدى قولدانۋعا شاقىردى. سونىمەن قاتار قالاداعى تۇرعىن ءۇي قۇرىلىسىندا وتاندىق قۇرىلىس ماتەريالدارىن پايدالانۋ نازاردا ەكەنىن جەتكىزدى.
ايتا كەتەيىك, «زەردە كەراميكا» زاۋىتى جىلىنا 2 ملن شارشى مەتر كەراموگرانيت تاقتايشاسىن شىعارادى. قازاقستاندا بالاماسى جوق كاسىپورىندا 140 ادام جۇمىسپەن قامتىلعان. قۇرىلىمداردى ارالاستىرۋدان باستاپ دايىن ءونىمدى قاپتاۋعا دەيىنگى جەلى تولىق اۆتوماتتاندىرىلعان.
