ياعني, وندىرىستە جۇمىسشىلاردىڭ جۇمىس جاعدايىندا ەڭبەك قاۋىپسىزدىگىن ساقتايتىن «بيىكتىكتەن قۇلاۋدى قورعاۋ» جاڭارتىلعان اۋقىمدى باعدارلاماسىن جۇزەگە اسىردى. ورتالىقتاندىرىلعان جوندەۋلەر تسەحىندا بيىكتىكتە جۇمىس ىستەۋگە ارنالعان مودۋلدىك ۇلگى ارنايى جاتتىعۋلارعا ارنالعان.
جاتتىعۋعا ارنالعان ۇلگىلەر وندىرىستىك وقىس جاعدايلارعا لايىقتى جاسالعان. جاتتىعۋدا جۇمىسشىلاردىڭ كۇن سايىنعى بيىكتىكتەگى جۇمىسىنىڭ بارلىق تۇرلەرى, سونىمەن قاتار قۇتقارۋ-كوشىرۋ ءىس-شارالارى كورسەتىلگەن.
كاسىپورىننىڭ ءباسپاسوز قىزمەتىنىڭ حابارىنا قاراعاندا,العاشقى كۇنى 60 ادام جاڭا پوليگوندى ءىس جۇزىندە بايقاپ كوردى. جەدەل كۋرستى ولار ءۇشىن كاسىبي ترەنەرلەر وتكىزگەن. تاجىريبەلىك ساباقتا نۇسقاۋشىلار بيىكتىكتەگى قاۋىپسىز ورىن اۋىستىرۋ, تىك جانە كولدەنەڭ سىزىقتاردى, قۇدىققا تۇسۋگە جانە بيىكتىكتەن تومەنگە تۇسۋگە ارنالعان ۇشتاعاندى پايدالانۋ جولدارىن كورسەتتى.
سونداي-اق ماماندار بيىكتىكتە جۇمىس ىستەيتىن جۇمىسشىلارعا ارنالعان قۇتقارۋ-كوشىرۋ قۇرالدارىمەن تانىستىردى.
– بۇل كاسىپورىننىڭ كەز كەلگەن بيىكتىك جاعدايىندا جۇمىس جۇرگىزۋگە مۇمكىندىك بەرەدى. نىسان ءوندىرىس قاۋىپسىزدىگىن ارتتىرۋ جۇيەسىنە اسا قاجەت,–دەيدى زاۋىتتىڭ جەكە قورعانۋ قۇرالدارى جونىندەگى مەنەدجەرى يگور كنەستياپين.
وقۋ-جاتتىعۋ پوليگونى نەگىزگى جانە بىرنەشە ارنايى الاڭداردان تۇرادى. الاڭدا الەمگە بەلگىلى بيىكتىكتەن قۇلاۋدان قورعايتىن بارلىق جۇيەلەردىڭ تۇرلەرى كورسەتىلگەن. بۇل جەردە جۇمساق ساقتاندىرعىش, تروستىق جۇيەلەرمەن ورناتىلعان. جاتتىعۋ بارىسىندا بۇل جابدىقتار بيىكتىكتەگى دانەكەرلەۋ, ەلەكترمونتاجداۋ, مونتاجداۋ جۇمىستارىن جۇرگىزۋگە مۇمكىندىك بەرەدى.
ال, «الپكونتراكت» جشس-ءنىڭ بيىكتىكتەگى جۇمىستاردى جۇرگىزۋ ەرەجەلەرى بويىنشا نۇسقاۋشىسى تيمۋر احمەتحانوۆتىڭ ايتۋىنشا, جاتتىعۋ الاڭ امبەباپ, مودۋلدەردى الماستىرۋعا دا بولادى. ساقتاندىرۋ قۇرالدارى دا ساپالى. سونداي-اق ماماندار بيىكتىكتە جۇمىس ىستەيتىن جۇمىسشىلارعا ارنالعان قۇتقارۋ-كوشىرۋ قۇرالدارىمەن تانىستىردى.
كاسىپورىن ماماندارىنىڭ مالىمەتىنشە, الداعى ۋاقىتتا مۇنداي وقىتۋ- جاتتىعۋ كەشەندەرى ەۋرازيالىق توپتىڭ ەلىمىزدەگى باسقا كاسىپورىندارىندا دا پايدا بولادى. ال, وندىرىستەگى بيىكتىكتە جۇمىس جاسايتىن جۇمىسشىلار كاسىبي شەبەرلىكتەرىن شىڭداپ قانا قويماي, بىلىكتىلىك دەڭگەيىن دە ارتتىرادى.
باستىسى-ەڭبەك قاۋىپسىزدىگى ساقتالادى.
پاۆلودار
