كونفەرەنتسيانىڭ كۇن تارتىبىنە ەلباسى نۇرسۇلتان نازارباەۆتىڭ Nur Otan پارتياسىنىڭ كەزەكتى XVIII سەزىندە حالىقتىڭ ءال-اۋقاتىن ارتتىرۋعا باعىتتالعان مىندەتتەردىڭ ەلىمىزدە جۇزەگە اسىرىلۋى جانە پارتيانىڭ وبلىستىق فيليالىنىڭ توراعاسىن سايلاۋ ماسەلەلەرى ەنگىزىلدى. ماۋلەن اشىمباەۆ ەرمەك مارجىقپاەۆتىڭ كانديداتۋراسىن پارتيانىڭ وبلىستىق فيليالى توراعاسى قىزمەتىنە ۇسىندى. دەلەگاتتار ۇسىنىستى ءبىراۋىزدان قولداپ, داۋىس بەردى. وبلىس اكىمى ەرمەك مارجىقپاەۆقا Nur Otan پارتياسى اقمولا وبلىستىق فيليالى توراعاسىنىڭ كۋالىگى تاپسىرىلدى.
كونفەرەنتسيادا Nur Otan پارتياسى جارقايىڭ اۋداندىق فيليالىنىڭ توراعاسى مۇرات بالپان, Nur Otan پارتياسىنىڭ مۇشەسى, «100 جاڭا ەسىم» رەسپۋبليكالىق بايقاۋىنىڭ جەڭىمپازى, كوكشەتاۋ قالاسىنداعى گۋمانيتارلىق-تەحنيكالىق مەكتەپ-ليتسەيىنىڭ ديرەكتورى ناتاليا دەمەنتەۆا, Nur Otan پارتياسى زەرەندى اۋداندىق فيليالى توراعاسىنىڭ ءبىرىنشى ورىنباسارى باقىتجان ايدوسوۆا ءسوز سويلەپ, ەلباسىنىڭ Nur Otan پارتياسىنىڭ كەزەكتى XVIII سەزىندە حالىقتىڭ ءال-اۋقاتىن ارتتىرۋعا باعىتتالعان مىندەتتەردىڭ وڭىرلەردە جۇزەگە اسىرىلۋ بارىسى تۋرالى جان-جاقتى دايەكتەپ ايتىپ بەردى.
اتالعان جوبا اياسىندا پارتيا وبلىستىق فيليالىنىڭ قوعامدىق قابىلداۋ بولمەسىندە اشىلعان بىرىڭعاي الەۋمەتتىك تەرەزەگە ءبىر ايدىڭ ىشىندە كوپ بالالى وتباسىلاردان 431 ءوتىنىش كەلىپ ءتۇسىپ, ونىڭ جارتىسىنا جۋىعى, ناقتىراق ايتساق, 43 پايىزى وڭ شەشىمىن تاپقان. كوپ بالالى وتباسىلاردىڭ كوتەرىپ وتىرعان ماسەلەلەرى سالماقتى ەكەندىگىن ەسكەرەر بولساق, بۇل ورايداعى جۇمىس ناتيجەسى اۋىز تولتىرىپ ايتارلىقتاي.
ساپار بارىسىندا م.اشىمباەۆ ە.مارجىقپاەۆپەن بىرگە «حالىققا كومەك» جوباسى اياسىندا جاڭاشا ەكپىن العان قوعامدىق قابىلداۋ بولمەسىنىڭ جۇمىسىمەن تانىستى. بۇل جەردە قابىلداۋعا كەلگەن كوپ بالالى وتباسىنىڭ ماسەلەسى وڭ شەشىمىن تاۋىپ, ءوتىنىش ايتا كەلگەن ستۋدەنت قىزدارىنىڭ وقۋ اقىسىن تولەۋگە كومەك كورسەتىلدى. ماسەلەنىڭ تابان اۋزىندا شەشىلگەنىن كورگەن جۇرتشىلىق تاعى دا ءوز سەنىمىن نىقتاي ءتۇستى. بۇرىنعىداي ەمەس, حالىق قازىر بيلىكپەن تىكەلەي تىلدەسە الادى. حالىق قۇلاعدار بولۋى ءۇشىن ازاماتتار مىنانداي سايت (kk.nurotan.kz), ەلەكتروندى پوشتا (komek@nurotan.kz), Call Center ارقىلى (8 800 080 4441) ءوز وتىنىشتەرىن بىلدىرە الادى. سونىمەن بىرگە الەۋمەتتىك جەلىلەر مەن WhatsApp مەسسەندجەرى (8 700 800 441) جانە ەلەكتروندى ۇكىمەت پورتالى ارقىلى دا كومەك سۇراپ حات جازۋعا مۇمكىندىك قاراستىرىلعان.
– «حالىققا كومەك» – تىكەلەي ەلباسىنىڭ تاپسىرماسىمەن قولعا الىنعان جوبا. سوندىقتان ازاماتتاردىڭ وتىنىشتەرىنە ەرەكشە ءمان بەرىپ, بەلسەندىلىگىمىزدى ودان ءارى ارتتىراتىن بولامىز. ءار ءوتىنىش نازاردان تىس قالماي, ءتيىستى جۇمىستار جۇرگىزىلەدى. ءبىزدىڭ باستى قاعيدامىز حالىقتى الاڭداتقان ماسەلەلەردى شەشىپ, ولارعا ءبىر جەردە جانە دەرەۋ قىزمەت كورسەتۋ, – دەدى م.اشىمباەۆ.
پارتيا توراعاسى انىقتاپ بەرگەن ماڭىزدى باسىمدىقتاردىڭ ءبىرى – «باقىتتى وتباسى» جوباسى. بۇل باستاما تىكەلەي كوپ بالالى جانە الەۋمەتتىك از قامتىلعان وتباسىلارعا جۇيەلى قولداۋ كورسەتۋگە باعىتتالعان. وسى جوبا اياسىندا م.اشىمباەۆ كوكشەتاۋ قالاسىندا تۇراتىن قاقجانوۆتار شاڭىراعىنا ارنايى بارىپ, تىنىس-تىرشىلىگىمەن تانىستى. بۇل وتباسى ءتورت بالا تاربيەلەپ وتىر. وكىنىشكە قاراي, ولاردىڭ ەكەۋى سال اۋرۋىنا شالدىققان. بۇعان دەيىن وتباسى ەكى بولمەلى پاتەرىنىڭ قالعان قارىزىن وتەپ, تولىق ساتىپ الۋ ءۇشىن پارتيادان كومەك سۇراعان بولاتىن. پارتيا توراعاسىنىڭ ءبىرىنشى ورىنباسارى وتباسىنا 1 ميلليون تەڭگەنىڭ سەرتيفيكاتىن تابىس ەتتى.
اتالعان ماسەلەگە بايلانىستى م.اشىمباەۆ پارتيانىڭ جەرگىلىكتى فيليالىنا توتەنشە جاعدايمەن كۇرەس جۇمىستارىن باقىلاۋدا ۇستاپ, زارداپ شەككەن ءار ازاماتقا مەملەكەت تاراپىنان بەرىلەتىن مىندەتتى كومەكتىڭ كورسەتىلۋىن قاداعالاۋدى تاپسىردى.
سونداي-اق م.ءاشىمباەۆ پارتيانىڭ ايماقتىق اكتيۆىمەن كەزدەستى. جەرگىلىكتى نۇروتاندىقتار الدىندا سويلەگەن سوزىندە ول ەلباسى ساياساتىن ودان ءارى جالعاستىرۋ, سول جۇمىستارعا پارتيانىڭ ىقپال ەتۋى اسا ماڭىزدى ەكەندىگىن قاداپ ايتتى. ودان بولەك, پارتيانىڭ جاڭادان قابىلدانعان «باقۋاتتى قوعام: ونجىلدىقتىڭ 10 ماقساتى» اتتى باعدارلاماسىن جۇزەگە اسىرۋ بارىسىنا نازار اۋداردى.
