ساياسات • 05 ءساۋىر، 2019

پرەمەر-ءمينيستردىڭ ورىنباسارى پاۆلودار وبلىسىنا جۇمىس ساپارىمەن كەلدى

گۇلشارا Əبدىقالىقوۆا باستاعان ۇكىمەت مۇشەلەرىنەن قۇرالعان توپ الدىمەن ەكىباستۇز قالاسىنداعى «ب.نۇرجانوۆ اتىنداعى گرەس-1-» ستانساسىنا باردى. ءوڭىرىمىزدىڭ قالا مەن اۋدان əكىمدەرى، كəسىپورىندار، بيزنەس-قۇرىلىمدار جانە كəسىپوداق ۇيىمدارىنىڭ باسشىلارىمەن جيىن ءوتتى.

فاريدا بىقاي

جيىندا ەلباسىنىڭ جۋىردا وتكەن «نۇر وتان» پارتياسىنىڭ سەزىندە قابىلدانعان جاڭا əلەۋمەتتىك شارالارىن ءتۇسىندىرۋ توبى وسىعان دەيىن جەتى ءوڭىردى ارالاپ شىققان.

- باستى مىندەت - ەلباسى ۇسىنعان əلەۋمەتتىك شارالاردى ءتۇسىندىرۋ جəنە تالقىلاۋ، - دەدى گۇلشارا Əبدىقالىقوۆا. - نەگىزگى مəسەلەنىڭ ءبىرى - جۇمىسپەن قامتۋ. ونىڭ ىشىندە جالاقىنى ۋاقىتىلى تولەۋ مəسەلەسى. ويتكەنى، ەلىمىزدە ەڭبەك داۋلارىنىڭ 30 پايىزى كəسىپورىندارداعى جالاقىنى ۋاقىتىلى تولەمەۋدەن تۋىندايدى.

ياعني، ەلىمىزدە ەڭبەك جاعدايى قاۋىپتى ءوندىرىس ورىندارىندا 640 مىڭ ادام ەڭبەك ەتەدى. بۇل ەڭبەك قاۋىپسىزدىگىن ساقتاۋعا باسا نازار اۋدارۋدى تالاپ ەتەدى. ۇكىمەتتىك توپ مۇشەلەرىنىڭ حابارلاۋىنشا، بيىل ەلىمىزدىڭ تۇرعىندارىن əلەۋمەتتىك قورعاۋعا مەملەكەت تاراپىنان 2،3 تريلليون تەڭگە بولىنبەك. ال جەرگىلىكتى كəسىپكەرلەرگە بيزنەستىڭ əلەۋمەتتىك جاۋاپكەرشىلىگى قاعيداسىنا ساي كومەككە زəرۋ جاندارعا قولداۋ كورسەتۋ قاجەت.

جيىندا ءسوز سويلەگەن «بوگاتىر-كومىر» جشس پەرسونال جəنە əلەۋمەتتىك ساياسات جونىندەگى ديرەكتورى ازات مəكەنوۆتىڭ ايتۋىنشا، كəسىپورىندا 6565 جۇمىسكەر ەڭبەك ەتەدى.

- الداعى ءۇش جىلدا كəسىپورنىمىزدا قوسىمشا 600 جۇمىس ورنى اشىلادى، - دەيدى ازات مəكەنوۆ. - قاڭتار ايىنان باستاپ بارلىق جۇمىسشىنىڭ جالاقىسى 5،4 پايىزعا ارتتى.

سونداي-اق، جىل سايىن باسپانا ساتىپ الۋعا جۇمىسشىلارىمىزعا جالپى قۇنى 80 ميلليون تەڭگە تولەنەدى. ساناتورلىق-كۋرورتىق ەمدەلۋگە بيىل 260 جولداما بەرىلەدى.

ساپار بارىسىندا پرەمەر-ءمينيستردىڭ ورىنباسارى «7-20-25» باعدارلاماسى بويىنشا پəتەر العان ەكىباستۇزدىق وتباسىلارعا بارىپ، جاستارمەن كەزدەستى.

پاۆلودار

سۋرەتتى تۇسىرگەن ۆالەري بۋگاەۆ