21 ناۋرىز كۇنى «102» وپەراتورىنا اتىراۋ قالاسىنداعى ورتالىق كوپىردەن بەلگىسىز ازاماتشانىڭ وزەنگە سەكىرگەندىگى جايلى حابارلاما تۇسكەن. وقيعا ورنىنا العاشقى بولىپ جەتكەن اتىراۋ قالاسىنىڭ پوليتسيا باسقارماسىنىڭ پاترۋلدىك پوليتسەيى پوليتسيا سەرجانتى اقىمعاليەۆ شالقار كوشكىمباي ۇلى, ازاماتشانى قۇتقارۋ ءۇشىن ويلانباستان مۇزداي سۋعا تۇسكەن. وزگەنىڭ ءومىرىن قۇتقارامىن دەپ ءوز ءومىرىن قيعان جاس پوليتسەي ازاماتشانى قۇتقارۋ بارىسىندا ءوزى ەرلىكپەن قازا تاپتى.
ەرلىگى ەشقاشان ۇمىتىلمايتىن ەرلەردى ۇلىقتاۋ ءبىزدىڭ ازاماتتىق پارىزىمىز.
وسى ورايدا بۇگىنگى «ەرلىك ساباعىندا» قىزىلوردالىق ءتارتىپ ساقشىلارى انتىنا ادال, ەلىنە, وتانىنا قىزمەت جاساۋدا ءوزىنىڭ ءومىرىن قيۋ ارقىلى ەرلىك جاساعان شالقار اقىمعاليەۆتى ءبىر مينۋت ۇنسىزدىكپەن ەسكە الدى.
سونان سوڭ پوليتسيا سەرجانتى اقىمعاليەۆ شالقار كوشكىمباي ۇلى تۋرالى قىسقاشا بەينەروليك قىزمەتكەرلەر نازارىنا ۇسىنىلدى.
قىزىلوردا وبلىسى پوليتسيا دەپارتامەنتى ءوز كەزەگىندە قازا بولعان شالقار اقىمعاليەۆتىڭ وتباسىنا ماتەريالدىق كومەك بەرۋ ۇسىنىسىن ءبىراۋىزدان قولدادى. بۇگىنگى كۇنى قىزىلوردا وبلىسى پوليتسيا دەپارتامەنتى بويىنشا 1 800 000 ء/بىر ميلليون سەگىس ءجۇز مىڭ/ تەڭگە كولەمىندە اقشالاي قاراجاتتى شالقار اقىمعاليەۆتىڭ اناسى مۇحانوۆا ءلاززات ماجەنقىزىنىڭ ەسەپ شوتىنا اۋدارۋ جۇمىستارى جۇرگىزىلۋدە.
ەرلىك ەشقاشان ۇمىتىلمايدى. جىلدار وتسە دە, شالقار اقىمعاليەۆتىڭ بەيبىت ومىردە جاساعان ەرلىگى, ەكىنىڭ بىرىنە بەرىلە بەرمەيتىن باتىلدىعى مەن باتىرلىعى حالىقتىڭ جادىندا ماڭگى جاڭعىرىپ تۇرماق, وسكەلەڭ ۇرپاققا, قازىرگى تاڭدا ىشكى ىستەر ورگاندارى سالاسىندا قىزمەت ەتىپ جۇرگەن قىزمەتكەرلەرگە ۇلگى بولىپ قالماق.
ازاماتتاردىڭ قاۋىپسىزدىگىن قامتاماسىز ەتۋدى ومىرلىك پارىزى ەتىپ, جاس تا بولسا كوزسىز ەرلىك كورسەتكەن شالقار وتان الدىنداعى انتىنا ماڭگى بەرىك ەكەندىگىن دالەلدەدى.
