سوت وتىرىسى باستالدى
سارسەنبى, 28 ناۋرىز 2012 7:25
كەشە اقتاۋ قالاسىنداعى «ارمان» جاستار ورتالىعىندا 2011 جىلدىڭ 16-17 جەلتوقسان كۇندەرى جاڭاوزەن قالاسىندا ورىن العان تارتىپسىزدىك وقيعاسى بويىنشا سوت وتىرىسى باستالدى. بۇل قىلمىستىق پروتسەسكە 6 مەملەكەتتىك ايىپتاۋشى, 12 قورعاۋشى, رەسپۋبليكا وبلىستارىنداعى ادۆوكاتتار القاسىنىڭ ءمۇشەلەرى, وبلىس پروكۋراتۋرالارىنىڭ, بۇقارالىق اقپارات قۇرالدارىنىڭ وكىلدەرى قاتىسۋدا. سوت وتىرىسىنىڭ توراعاسى بەلگىلى زاڭگەر, اقتاۋ قالالىق سوتىنىڭ سۋدياسى ارالباي ناعاشىباەۆتىڭ ايتۋىنشا, سوت وتىرىسى بارىسىنىڭ اشىقتىعىن, جاريالىلىعىن, انىقتىعىن قامتاماسىز ەتۋگە جاعداي جاسالىپتى.
سارسەنبى, 28 ناۋرىز 2012 7:25
كەشە اقتاۋ قالاسىنداعى «ارمان» جاستار ورتالىعىندا 2011 جىلدىڭ 16-17 جەلتوقسان كۇندەرى جاڭاوزەن قالاسىندا ورىن العان تارتىپسىزدىك وقيعاسى بويىنشا سوت وتىرىسى باستالدى. بۇل قىلمىستىق پروتسەسكە 6 مەملەكەتتىك ايىپتاۋشى, 12 قورعاۋشى, رەسپۋبليكا وبلىستارىنداعى ادۆوكاتتار القاسىنىڭ ءمۇشەلەرى, وبلىس پروكۋراتۋرالارىنىڭ, بۇقارالىق اقپارات قۇرالدارىنىڭ وكىلدەرى قاتىسۋدا. سوت وتىرىسىنىڭ توراعاسى بەلگىلى زاڭگەر, اقتاۋ قالالىق سوتىنىڭ سۋدياسى ارالباي ناعاشىباەۆتىڭ ايتۋىنشا, سوت وتىرىسى بارىسىنىڭ اشىقتىعىن, جاريالىلىعىن, انىقتىعىن قامتاماسىز ەتۋگە جاعداي جاسالىپتى. ياعني, سوت ءماجىلىسىنىڭ بارىسى تولىقتاي حالىقتىڭ كوز الدىندا ءوتۋى ءۇشىن ەكى زالعا تەلەەكران قويىلعان. سوت وتىرىسىنا 37 سوتتالۋشى, 100-دەن استام ءجابىرلەنۋشى مەن 45 كۋاگەر شاقىرىلعان. ايىپتالۋشىلار كۇش قولدانعاندارى, قيراتۋ, ءورتەۋ, ءبۇلدىرۋ, م ۇلىكتى جويۋعا ۇلاسقان جاپپاي ءتارتىپسىزدىكتى ۇيىمداستىرعاندىقتارى, بيلىك وكىلىنە قاتىستى كۇش قولدانۋ, توناۋشىلىق جانە ۇرلىق جاساعاندارى ءۇشىن قىلمىستىق كودەكستىڭ ءتيىستى باپتارىمەن ايىپقا تارتىلۋدا. سوت وتىرىسى توراعاسىنىڭ ءمالىمدەۋىنشە, 30 تۇلعاعا قاتىستى «قاماۋعا الۋ» تۇرىندەگى بۇلتارتپاۋ شاراسى, 7 تۇلعاعا «ەشقايدا كەتپەۋ جانە ءوزىن-ءوزى دۇرىس ۇستاۋ» شاراسى قولدانىلعان.
ءسويتىپ, العاشقى كۇنگى سوت وتىرىسى ءتۇس قايتا 15.00 ساعاتتا باستالدى. سوتتالۋشىلاردىڭ جەكە باسى تۋرالى انىقتامالار بەرىلدى. ولارعا سوت قۇرامى تانىستىرىلىپ, سوت ءماجىلىسى ءجۇرۋدەگى قۇقىقتارى ءتۇسىندىرىلدى. ودان ءارى قورعاۋشىلار وي-پىكىر, ءوتىنىش تالاپتارىن ناقتى ءدالەلدەر ارقىلى ءبىلدىردى. سونداي-اق مەملەكەتتىك ايىپتاۋشىلار بولسا, ادۆوكاتتاردىڭ وي-پىكىرىنە وراي بارلىق تالاپ-تىلەكتى زەرتتەپ, ساليقالى جاۋاپتارىن سارالاعان ەرتەڭگى سوت وتىرىسىندا بەرەتىندىكتەرىن ايتتى. ال العاشقى كۇنگى وسى وتىرىستا ءجابىرلەنۋشىلەر اتىنان ءسوز العان «شولپان» اتتى ۇلكەن ءدۇكەننىڭ يەسى كاسىپكەر انا بيباتپا جالعاسباەۆا: «قانشا شىعىن شىقسا دا ادامنىڭ ءبىر تامشى قانىنا تۇرمايدى دەپ ويلايمىن. مەن ءبارىن دە كەشىرەمىن, ازاماتتاردى بوساتۋدى سۇرايمىن», – دەگەن انالىق اق تىلەگىن ءبىلدىردى.
سوت وتىرىسى ەرتەڭ جالعاسادى.
جولامان بوشالاق.
اقتاۋ.
