كەزدەسۋ بارىسىندا اقتوبە وبلىسىنداعى كاسىپكەرلىكتى قولداۋعا باعىتتالعان مەملەكەتتىك باعدارلامالارعا قاتىستى سۇراقتار مەن الداعى ۋاقىتتا شاعىن جانە ورتا بيزنەستى دامىتۋ جوسپارلارىن تالقىلادى.
اباي سارقۇلوۆتىڭ ايتۋىنشا, اقتوبە وبلىسىندا «بجك 2020» جۇزەگە اسقاننان باستاپ قۇنى 102,7 ملرد تەڭگە بولاتىن 885 جوباعا قولداۋ كورستىلگەن. ونىڭ ىشىندە 2018 جىلى 7,5 ملرد تەڭگە بولاتىن 95 جوبانى سۋبسيديالاۋ كەلىسىمىنە قول قويىلعان. ول سونداي اق, «ەڭبەك» مەملەكەتتىك باعدارلاماسىن ىسكە اسىرۋ جوسپارلارى تۋرالى اڭگىمەلەدى.
«2019 جىلى اقتوبە وبلىسىندا اتالعان باعدارلامانى جۇزەگە اسىرۋ ءۇشىن 1,1 ملرد تەڭگە بولىنەتىن بولادى. ودان وزگە, قۇنى 63 ميلليون تەڭگە بولاتىن كەپىلدىك شارتتارىنا قول قويۋ جوسپارلانىپ وتىر» - دەدى «دامۋ» كقق باسقارما توراعاسى.
كەزدەسۋدە سونداي-اق, ەكسپورتقا باعىتتالعان كاسىپورىندارعا قولداۋ ماسەلەسى دە ءسوز بولدى.
قازىرگى تاڭدا, وبلىس ايماعىندا 50-دەن استام ەكسپورت باعىتىنداعى كاسىپورىن جۇمىس جاسايدى. رەسمي دەرەكتەرگە سايكەس, 2018 جىلدىڭ 11 ايىنىڭى قورىتىندىسى بويىنشا وڭىردە جالپى قۇنى 2,7 ملرد دوللاردى قۇرايتىن ءونىم ەكسپورتتالعان.
«KazakhExport» اق وبلىستاعى ەكسپورت باعىتىنداعى كاسىپورىندارعا قولداۋ كورسەتۋگە ارنالعان شارالاردى تۇراقتى تۇردە وتكىزىپ تۇرادى. ونىڭ ىشىندە «ەسك «KazakhExport» اق-نىڭ جانە باسقا دا ۇلتتىق كومپانيالاردىڭ قاتىسۋىمەن حالىقارالىق ستاندارتتاردىڭ ەرەجەلەرى, مەملەكەتتىك باعدارلامالاردى قولداۋ جانە ونى دامىتۋ تاقىرىبىندا سەمينارلار, ترەنينگتەر, دوڭگەلەك ۇستەلدەر وتكىزەدى» - دەپ اتاپ ءوتتى وبلىس اكىمىمەن كەزدەسۋدە رۋسلان يسكاكوۆ.
«ەسك «KazakhExport» اق باسقارما توراعاسى وزبەكستان رەسپۋبليكاسىنىڭ جانە رەسەي فەدەراتسياسىنىڭ (كازان) قازاقستاندىق ەكسپورتتاۋشى وكىلدىگىنىڭ كەڭسەلەرى شەكارالىق ساۋدا-ساتتىقتى دامىتۋعا جانە اقتوبە وبلىسىنىڭ كاسىپكەرلەرىنە ءتيىمدى ەكسپورتتىق كەلىسىم-شارت جاساسۋعا كومەكتەسەدى دەپ اتاپ ءوتتى.
ايتا كەتۋ كەرەك, اقتوبە وبلىسىنداعى «ەسك «KazakhExport» اق ساقتاندىرۋ قولداۋىمەن بىرقاتار جوبالار جۇزەگە اسىرىلدى, ونىڭ ىشىندە «اكتەپ» ەت كومبيناتى - رەسەي فەدەراتسياسىنا ەت ونىمدەرىن ەكسپورتتاۋ; «اقتوبەرەنتگەن» جشس - وزبەكستان رەسپۋبليكاسىنا رەنتگەن جابدىعىن ەكسپورتتاۋ; «اقتوبە مۇناي جابدىقتارى زاۋىتى» جشس – ازەربايجانعا ناسوستى شتانگ جانە مۋفتالار جەتكىزۋ; «Green Capital Kazakhstan» جشس جىلىجاي كەشەنى.
ودان وزگە كەزدەسۋ بارىسىندا «دامۋ» كقق جانە ەRG ەسەبىنەن حرومتاۋداعى جوبالاردى قارجىلاندىرۋ ءۇشىن ماقساتتى وڭىرلىك باعدارلامانى جۇزەگە اسىرۋدا جەرگىلىكتى اتقارۋشى ورگانداردان كومەك كورسەتۋ تۋرالى ءوتىنىش جاسالدى.
جيىن سوڭىندا وبلىس اكىمى بارلىق باستامالارعا قولداۋ كورسەتىلەتىنىن ايتىپ ءوتتى.
«كاسىپكەرلىكتى دامىتۋ, جۇمىسپەن قامتۋ جانە ەكسپورتتى دامىتۋ ءبىزدىڭ باستى تاپسىرمامىز», - دەدى وڭداسىن ورازالين.
