جاڭا ورتالىق №78 مەكتەپ-گيمنازيا اۋدانىنداعى «قۇلاگەر» تك تۇرعىندارى ءۇشىن اشىلدى. اشىلۋ سالتاناتىنا ەسىل اۋدانى اكىمى اپپاراتىنىڭ باسشىسى اراي سادىقوۆ, قالالىق ارداگەرلەر كەڭەسى توراعاسىنىڭ ورىنباسارى ەسبولات دۇيسەنوۆ, ەسىل اۋدانى ارداگەرلەر كەڭەسىنىڭ ءتورايىمى رىستى اتىعاەۆا, سونداي-اق كوپ قاباتتى ۇيلەردىڭ تۇرعىندارى قاتىستى. ءداستۇرلى تۇردە اشىلۋ سالتاناتى قىزىل لەنتانى كەسۋدەن باستالدى. مۇندا بارلىعى 200-دەن استام زەينەتكەر تۇرادى. ولاردىڭ بارلىعى بەلسەندى ءومىر سالتىن ۇستانادى. سەرۋەندەيدى, نەمەرەلەرىن تاربيەلەيدى.
«بۇل – ءبىزدىڭ اۋداندا اشىلعان 13-ءشى ورتالىق. مۇندا قاريالار اڭگىمە-دۇكەن قۇرىپ, ۇستەل ويىندارىن ويناپ, تەلەديدار كورىپ, گازەتتەر وقي الادى. دەمالىس ورتالىعىندا تۋعان كۇندەردى دە بىرگە اتاپ وتۋگە بولادى», – دەدى ەسىل اۋدانى ارداگەرلەر كەڭەسىنىڭ ءتورايىمى رىستى اتىعاەۆا.
بۇگىن ءبىر شاڭىراقتىڭ استىندا ءبىر ۇرپاق جينالىپ, بالالار مەن نەمەرەلەرىنىڭ جاڭالىقتارىمەن, جەتىستىكتەرىمەن ءبولىستى. زەينەتكەرلەر ايتۋىنشا, مۇنداي دەمالىس ورتالىقتارى قارت ادامدارعا ۋاقىتتى جاعىمدى ءارى پايدالى وتكىزۋگە سەپتىگىن تيگىزەدى.
