ايماقتار • 05 ءساۋىر، 2019

«سەرگەك» جوباسى استانادا قىلمىس دەڭگەيىن تومەندەتۋگە مۇمكىندىك بەردى

614 رەتكورسەتىلدى

جوبانى ەنگىزۋ قالاداعى قاۋىپسىزدىكتى كۇشەيتۋگە سەپتىگىن تيگىزدى. «سەرگەك» جوباسى استانادا قىلمىس دەڭگەيىن 24%-عاتومەندەتۋگە مۇمكىندىك بەردى، دەپ حابارلايدى قالا اكىمدىگىنىڭ رەسمي سايتى.

ينۆەستيتسيالار جانە كاسىپكەرلىكتى دامىتۋ باسقارماسىنىڭ مالىمەتى بويىنشا، بارلىق كامەرالار «قۇقىقتىق ستاتيستيكا جانە ارنايى ەسەپكە الۋ كوميتەتىنىڭ» قىلمىستىق كارتاسىنا سايكەس (KPSiSU) قالاداعى ەڭ كريمينوگەندىك اۋلالاردا جانە ۇيلەردە ورناتىلعان. بۇدان باسقا، جوبا ەلوردانىڭ جولدارىنداعى قاۋىپسىزدىكتى جاقسارتۋعا مۇمكىندىك بەردى. جۇرگىزۋشىلەر ءتارتىپتى ساقتايتىن بولدى. بۇل ءوز كەزەگىندە اپاتتىلىق دەڭگەيىنە وڭ اسەرىن تيگىزدى. وتكەن جىلدىڭ قورىتىندىلارى بويىنشا نۇر-سۇلتان قالاسىنىڭ جولدارىنداعى ءولىم-ءجىتىم 2017 جىلمەن سالىستىرعاندا ەكى ەسەگە ازايدى. ەلوردانىڭ جولدارىنداعى ءولىم-ءجىتىم 100 مىڭ تۇرعىنعا شاققاندا 3،1 قۇرايدى. بۇل رەسپۋبليكالىق كورسەتكىشتەن 3،5 ەسە تومەن (2017 جىلى - 60 ادام، 2018 جىلى – 34 ادام). 

«اقىلدى» بەينەكامەرالاردىڭ كومەگىمەن قالادا جالپى سوماسى 5 ملرد. تەڭگەلىك 700 مىڭنان استام قۇقىق بۇزۋشىلىق تىركەلىپ، بيۋدجەتكە شامامەن 3 ملرد. تەڭگە قۇيىلدى. «سەرگەك» جۇيەسى ترافيك اعىمىنىڭ دەرەكتەرىنە نەگىزدەلگەن Big Data تالداۋلارىن پايدالانادى (كەپتەلىستەر، توتەنشە جاعدايلار، جولداردىڭ توزۋى). جۇيەنى ىسكە قوسقاننان بەرى 500 ميلليوننان استام بەينەماتەريال جيناقتالعان. اتالعان ماتەريالدار ترافيكتى جاقسارتۋ بويىنشا ۇسىنىستار جاساۋ، وڭ جاققا بۇرىلۋ جانە «Bus lane» (اۆتوبۋس جولاعى) قوعامدىق كولىك جولدارىن ەنگىزۋگە مۇمكىندىگىن بەرەدى. قازىرگى ۋاقىتتا «سەرگەك» جۇيەسى فۋنكتسيونالىنا  قوسارلى جول جولاعىنان ءوتۋ، باعدارشامنىڭ تىيىم سالۋ سيگنالىنا ءوتۋ، جولداعى ءبىر جولاقتان ەكىنشىسىنە اۋىسۋ، قاراما-قارسى قوزعالىس جولاعىنا شىعۋ، تەحنيكالىق بايقاۋدان وتكەندىگىن راستايتىن قۇجات پەن ساقتاندىرۋدىڭ بار بولۋى سياقتى قوسىمشا بۇزۋشىلىقتاردى  قوسۋ ماسەلەسى قاراستىرىلۋدا. جۇيەنىڭ فۋنكتسيونالدىق مۇمكىندىكتەرىنە قوسىمشا فۋنكتسيالاردى ەنگىزۋ مەرزىمى تۋرالى ازاماتتارعا الدىن-الا حابارلانادى. 

«سەرگەكتى» ەنگىزۋدىڭ تابىستىلىعى ەسكەرىلە كەلە، اتالمىش شارالاردى ودان ءارى كەڭەيتىلەدى دەپ جوسپارلانۋدا. جالپى باقىلاۋعا ارنالعان 7000 كامەرانى ورناتۋ جانە بىرىكتىرۋ قاراستىرىلعان: ونىڭ ىشىندە 4000-نان استام كامەرانى ادام كوپ جينالاتىن ورىنداردا ورناتۋ، ساۋدا-ويىن-ساۋىق ورتالىقتارىنداعى، الەۋمەتتىك نىساندارداعى، زاڭسىز ۇيىمداستىرىلعان قوقىس ورىندارىنداعىساياباقتارداعى، قارۋ ساتىلاتىن دۇكەندەردەگى، مەشىتتەر مەن پوليتسيانىڭ جەدەل باسقارۋ ورتالىعى ارقىلى باقىلاناتىن باسقا دا ورىندارداعى 3000 كامەرانى بىرىكتىرۋ. بۇدان باسقا، اكىمدىك «سەرگەك» جۇيەسىنىڭ تيىمدىلىگىن ارتتىرۋ جانە ودان ءارى دامىتۋ بويىنشا جۇمىستارىن جالعاستىرۋدا. سونىمەن، بيىل نۇر-سۇلتاننىڭ مامانداندىرىلعان حقكو-دا جاڭا پروتسەسسينگ ورتالىعى اشىلدى. بۇل ورتالىقتى ىسكە قوسۋ، «سەرگەكتەن» الىنعان دەرەكتەردى جول قوزعالىسى ەرەجەلەرىن بۇزعانى ءۇشىن دۇرىس حاتتاما تولتىرۋ، كىرىس قوڭىراۋلارىن الۋ، حالىققا تىركەلگەن زاڭ بۇزۋشىلىقتار بويىنشا زاڭنامانى اۋىزشا ءتۇسىندىرۋ، ازاماتتاردى جاساعان زاڭ بۇزۋشىلىعى تۋرالى حاباردار ەتۋ (اۋىزشا ءتۇسىندىرۋ، زاڭ بۇزۋشىلىقتاردىڭ دالەلدەرىمەن تانىسۋ جانە ت.ب.) ماقساتىندا جەدەل تۇردە  وڭدەۋگە مۇمكىندىك بەردى. 

اقپاراتتىق-كوممۋنيكاتسيالىق ءادىستى (SMS-حابارلامالار، ءموبيلدى قوسىمشالار، ەلەكتروندى پوشتا، ينتەرنەت-رەسۋرستار جانە ت.ب.) قولدانۋ ارقىلى زاڭ بۇزۋشىلىعى تۋرالى حالىقتى حاباردار ەتۋ تۇرعىسىندا اكىمشىلىك كودەكسكە وزگەرىستەر ەنگىزۋ جۇمىستارى جۇرگىزىلۋدە. وسى ۋاقىتتا ءاربىر ازاماتتا جسن-مەن تىركەلگەن ۇيالى تەلەفونى بار. قازىرگى ۋاقىتتا اكىمشىلىك قۇقىق بۇزۋشىلىق تۋرالى حاتتى زاڭ بۇزۋشى ازاماتقا ارنايى جەتكىزۋ كەرەك. «سەرگەك» جوباسى - مەملەكەتتىك-جەكەمەنشىك ارىپتەستىك مەحانيزمى ء(مجا) اياسىندا جۇزەگە اسىرىلاتىن ەلدەگى تسيفرلاندىرۋ جوبالارىنىڭ ىشىندەگى العاشقىسى. نۇر-سۇلتان قالاسىنىڭ ينۆەستيتسيالار جانە كاسىپكەرلىكتى دامىتۋ باسقارماسى جانە «استانا Innovations» اق مەملەكەتتىك سەرىكتەس رەتىندە جۇمىس ىستەيدى.

سوڭعى جاڭالىقتار

ەلدىك نىشاندار تاريحى

قازاقستان • كەشە

ۇقساس جاڭالىقتار