ورتالىق كوممۋنيكاتسيالار قىزمەتىنىڭ ۇيىمداستىرۋىمەن وتكەن «رۋحاني جاڭعىرۋ: تۇركىستان ءتۋريزمى» سەمينارىنا ق.ا.ياساۋي اتىنداعى حقتۋ جانىنداعى ياساۋيتانۋ ورتالىعىنىڭ ديرەكتورى, پروفەسسور دوساي كەنجەتاي, تاريحشى مارات تۇياقباەۆ, حالىقارالىق جوبا مەنەدجەرى زارينا بيۋمباەۆا, ولكەتانۋشى ەرلان سىزدىق جانە ولكەتانۋشى عاني نازاربەك جانە تۇركىستان وبلىسى تۋريزم جانە سىرتقى بايلانىستار باسقارماسى باسشىسىنىڭ ورىنباسارى جاسۇلان تولەبەكوۆ قاتىستى.
پروفەسسور دوساي كەنجەتاي «ءدىن مەن مادەنيەت قاتىناسىنىڭ بولمىستىق ءمانى» باعىتىندا ءسوز قوزعاعان پروفەسسور دوساي كەنجەتاي ءبىلىم بەرۋ جۇيەسىندەگى وقۋلىقتار مەن وقۋ قۇرالدارىندا جانە گۋمانيتارلىق-الەۋمەتتىك عىلىمدا ءدىن مەن مادەنيەتكە قاتىستى زەرتتەۋلەر, مونوگرافيالار مەن ساراپتامالاردىڭ بارلىعى كەشەگى پوزيتيۆيستىك, اتەيستىك ۇستانىمدار نەگىزىندە تۇجىرىمدالعاندىىن ايتىپ ءوتتى.
«رۋحاني جاڭعىرۋ» تۋعان جەردى تانىپ بىلۋدەن باستالادى, دەگەن تاريحشى مارات تۇياقباەۆ بابالاردان ميراس بولىپ, قانىمىزعا سىڭگەن, بۇگىندە تامىرىمىزدا بۇلكىلدەپ جاتقان ىزگى قاسيەتتەردى قايتا تۇلەتۋىمىز كەرەك دەپ سانايدى.
حالىقارالىق جوبا مەنەدجەرى زارينا بيۋمباەۆا «رۋحاني جاڭعىرۋ» باعدارلاماسى تۋرالى ءوز ويىمەن ءبولىستى.
«رۋحاني جاڭعىرۋ باعدارلاماسى وتە وزەكتى جانە ورىندى دەپ ويلايمىن, ويتكەنى ول وسى جۇيەلەردىڭ ۇيلەسىمدى دامۋىنا جەتىسپەي تۇرعان پازلدى قامتاماسىز ەتەدى. بۇل پازل جان-جاقتى دامىعان, ساناسى, ءتانى, رۋحى, ءدىلى مەن ءدىنى تەڭ دامىعان ادام. ونسىز ءبىز ءتيىمدى ەكونوميكانى, ۇيلەسىمدى قورشاعان ورتانى, قالالار مەن ەل بولاشاعىن قۇرا المايمىز», زارينا بيۋمباەۆا.
ۇزدىك ولكەتانۋشى ەرلان سىزدىق تاريحي مانگە يە « ۇلى جىبەك جولىن» جاعىرتىپ تۋريستىك نىسانعا اينالدىرۋ ءۇشىن سول جولدىڭ بويىندا جاتقان كونە قالالارعا قالپىنا كەلتىرۋ جۇمىستارىن جۇرگىزىپ, اشىق اسپان اياسىنداعى مۇراجايعا اينالدىرۋ كەرەك ەكەنىن ايتتى. حالىقتىڭ ەكولوگيالىق مادەنيەتى مەن ساۋاتتىلىعىن كوتەرۋ وزەكتى ماسەلەنىڭ بىرىنە اينالعانىن جەتكىزگەن جاس ولكەتانۋشى عاني نازاربەك تابيعات اياسىنا دەمالۋعا شىققان ازاماتتار كۇل-قوقىستارىن شاشىپ قورشاعان ورتاعا وراسان زيان كەلتىرىپ جاتقانىن اشىنا ايتتى.
سونداي-اق, تۇركىستان وبلىسى تۋريزم جانە سىرتقى بايلانىستار باسقارماسى باسشىسىنىڭ ورىنباسارى جاسۇلان تولەبەكوۆ وڭىدەگى «رۋحاني جاڭعىرۋ» باعدارلاماسىن ىسكە اسىرۋ جانە تۋريزم سالاسىن دامىتۋ باعىتىن اتقارىلىپ جاتقان جۇمىستارعا توقتالدى.
ونىڭ سوزىنشە, وبلىسقا كەلۋشى تۋريستەردىڭ سانى جىلدان جىلعا ارتىپ كەلەدى. مىسالى, رەسمي ستاتيستيكالىق مالىمەتكە سۇيەنسەك, 2018 جىلى ورنالاستىرۋ ورىندارىمەن قىزمەت كورسەتىلگەن تۋريستەر سانى 152 مىڭ ادامدى قۇراپ, 2017 جىلمەن سالىستىرعاندا 15 پايىزعا ارتىپ وتىر.
«ءبىزدىڭ وبلىستا اتالعان جوبا اياسىندا وڭىرىمىزدەگى بىرقاتار قاسيەتتى جەرلەردى جاڭعىرتۋ, قايتا قالپىنا كەلتىرۋ شارالارى قولعا الىندى. قازاقستاننىڭ كيەلى جەرلەرىنىڭ كارتاسى جوباسى اياسىندا وڭىرىمىزدە 104 كيەلى ورىننىڭ ءتىزىمى جاساقتالىپ, ءتيىستى جۇمىستار اتقارىلۋدا. سونداي-اق, 2018 جىلى ءوڭىردىڭ كيەلى, تاريحي ورىندارى, تۇلعالارى تۋرالى بىرنەشە انيماتسيالىق فيلمدەر مەن تەلەحيكايا تاسپالاندى. اتاپ ايتساق, «كۇش اتاسى – قاجىمۇقان», «كيەلى قازىعۇرت», «وتىراردى قورعاۋ» مۋلتفيلمدەرى جانە «كونە جەتىگەننىڭ سىرى» اتتى تەلەسەريال ءتۇسىرىلدى. ودان بولەك, تولەبي تۋرالى تەلەحيكايا دايىندالۋدا», دەيدى جاسۇلان تولەبەكوۆ.
ۇلتىمىزدىڭ ۇمىت بولا باستاعان سالت داستۇرلەرىن جاڭعىرۋ جانە تۋريزم سالاسىن دامىتۋ ماقساتىندا اۋدان, قالالاردا حالىقارالىق, رەسپۋبليكالىق جانە وبلىستىق دەڭگەيدە ءتۇرلى ءىس-شارالار جوسپارى بەكىتىلىپ, قازىعۇرت اۋدانىنداعى «ناۋرىز قازىعۇرتتان باستالادى», بايدىبەك اۋدانىنداعى «قىمىزمۇرىندىق», شاردارا اۋدانىنداعى «سافاري شاردارا», ماقتاارال اۋدانىنداعى «قاۋىن فەست», سارىاعاش اۋدانىنداعى «سارىاعاش OPEN», تولەبي اۋدانىنداعى «قاسقاسۋ», تۇلكىباس اۋدانىنداعى «اقسۋ جاباعىلى الاۋىم – شۇبايقىزىل جالاۋىم» جانە «سالبۋرىن» فەستيۆالدەرى ءوتتى.
وتكەن جىلى تۇركىستان قالاسىنىڭ وزىنە 1 ملن اسا تۋريست قوناق بولعان. 2025 جىلعا قاراي تۋريستەر سانىن 5 ملن-عا جەتكىزۋ كوزدەلۋدە.
