وبلىستىق قوعامدىق دەنساۋلىق ساقتاۋ دەپارتامەنتىنىڭ باسشىسى ۇلبولسىن اقاناەۆا بيىل 33 ادامدى كەنە شاعىپ, مەديتسينالىق كومەككە جۇگىنگەندىگىن ايتتى. جاڭاقورعان اۋدانىنداعى ەكپىندى اۋىلىنان 1 كۇدىكتى ناۋقاس انىقتالىپ, وبلىستىق جۇقپالى اۋرۋلار اۋرۋحاناسىنا جاتقىزىلعان. اۋرۋ وشاعىنان 89 كەنە, ونىڭ 87-ءى مالدان, 2-ءى مال قورادان, جينالىپ, زەرتحانالىق زەرتتەۋگە الىندى. وبلىس بويىنشا 6646 كەنە زەرتحانالىق زەرتتەۋگە جينالىپ, 684 سىناما زەرتتەلدى. ونىڭ التاۋىنان سەروپوزيتيۆتى كەنەلەر انىقتالعان.
وبلىستىق جۇمىلدىرۋ دايىندىعى باسقارماسىنىڭ باسشىسى اسىلبەك شامەنوۆ 2019 جىلعا كقگق الدىن الۋ شارالارى ءۇشىن كوكتەمگى-كۇزگى جۇمىستارعا 214,5 ملن تەڭگە بولىنگەنىن ايتتى.
كونگو-قىرىم گەمورراگيالىق قىزباسىنىڭ الدىن الۋدا ءتيىمدى, ۇيلەسكەن تۇردە ءىس-شارالار جۇرگىزۋ ماقساتىندا وبلىس اكىمى «قىزىلوردا وبلىسى اۋماعىندا كونگو-قىرىم گەمورراگيالىق قىزباسىنا قارسى ارەكەت ەتۋ الگوريتمىن» بەكىتىپ, ءتيىستى مىندەتتەر ناقتىلاندى.
