ىرىكتەۋ كەزەڭى قالالىق مادەنيەت سارايىنا اتا-انالارىمەن, مۋزىكالىق ءتالىمگەرلەرىمەن جانە دوستارىمەن اسىعا كەلگەن قاتىسۋشىلاردىڭ تىركەلۋىنەن باستاۋ الدى. ولارعا كاستينگتىڭ ەرەجەلەرى مەن فورماتى ءتۇسىندىرىلدى. ءادىل قازىلار القاسىنىڭ ءمۇشەلەرى مۋزىكالىق پروديۋسەر فاريدا نيازوۆا, ۇيىمداستىرۋ كوميتەتىنىڭ وكىلى تولعاناي حاسەن جانە تانىمال قازاقستاندىق ورىنداۋشى سەرىك گامزا-زادە 9 ساعات بويى جاس دارىنداردىڭ ونەرلەرىن تاماشالادى.
اقتىق كەزەڭگە جولدامانى 12 جاستاعى ءدىلنۇر اتاگەلدى يەلەندى. ول قازىلار القاسىن جان تەبىرەنتەتىن داۋىسى ءارى جارقىن جۇزىمەن سۇيسىندىرە الدى. ءدىلنۇر 25-27 قازان كۇنى رەسپۋبليكا سارايىنىڭ ساحناسىندا وتەتىن اقتىق كەزەڭىندە جامبىل وبلىسىنىڭ اتىنان ونەر كورسەتەدى.
مادەنيەت جانە سپورت مينيسترلىگى جانە قازاقستان رەسپۋبليكاسىنىڭ تۇڭعىش پرەزيدەنتى – ەلباسى قورىنىڭ قولداۋىمەن ءاليا نازارباەۆانىڭ «جاندانۋ الەمى» قورى تاراپىنان ۇيىمداستىرىلاتىن بايقاۋدىڭ ىرىكتەۋ كەزەڭى 29 ناۋرىزدان 22 مامىرعا دەيىن ءوتكىزىلەدى. كەلەسى كاستينگتەر 5 ءساۋىر كۇنى شىمكەنتتە جانە 7 ءساۋىر كۇنى تۇركىستاندا وتەدى.
