ايماقتار • 04 ءساۋىر، 2019

شىمكەنتتە 400 مەملەكەتتىك قىزمەتكەر ترەنينگكە قاتىستى

400 رەتكورسەتىلدى

مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ شىمكەنت قالاسى بويىنشا دەپارتامەنتىنىڭ باستاماسىمەن، «شىمكەنت – ادالدىق الاڭى» جوبالىق كەڭسەسى مەن قر پرەزيدەنتى جانىنداعى مەملەكەتتىك باسقارۋ اكادەمياسىنىڭ وڭىرلىك فيليالى جەرگىلىكتى اتقارۋشى ورعانداردىڭ مەملەكەتتىك قىزمەتشىلەرىنە حالىقپەن جۇمىس بارىسىنداعى سويلەسۋ مادەنيەتىن قالىپتاستىرۋ ماقساتىندا تاجىريبە ساعاتىن وتكىزدى. بۇل تۋرالى shymkent.gov.kz حابارلادى.

پسيحولوگيا عىلىمدارىنىڭ دوكتورى، بيزنەس-ترەنەر، رف كاسىبي پسيحوتەراپەۆتىك ليگاسىنىڭ حالىقارالىق دەڭگەيدەگى رەسمي وقىتۋشىسى جانە مۇشەسى گۇلميرا اياپبەرگەنوۆا جۇرگىزگەن ترەنينگە مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ شىمكەنت قالاسى بويىنشا دەپارتامەنتىنىڭ باسشىسى ءا.كومەكباەۆ، اباي اۋدانىنىڭ اكىمى ب.پارمانوۆ، ءال-فارابي اۋدانىنىڭ اكىمى ع.ماۋلەنقۇلوۆ باستاعان 400-گە جۋىق مەملەكەتتىك قىزمەتكەر قاتىستى.


كەزدەسۋ بارىسىندا مەملەكەتتىك قىزمەتشىلەردىڭ ىسكەرلىك قارىم-قاتىناسىنىڭ ەرەكشەلىكتەرى، حالىقپەن جۇمىس ىستەۋدىڭ پسيحولوگيالىق تەتىكتەرى، ناقتىراق ايتساق، قىزمەتتىك سالاداعى شيلەنىستى جاعدايلاردىڭ الدىن الۋ جانە رەتتەۋ سەبەپتەرى مەن ادىستەرى تالقىلاندى.


كەزدەسۋ اشىق ديالوگ فورماتىندا ءوتتى. جيىن بارىسىندا ويىندار ويناتىلىپ، اتالعان ماسەلە توڭىرەگىندەگى مەملەكەتتىك قىزمەتكەرلەرگە سۇراق-جاۋاپ ۇيىمداستىرىلدى.

سوڭعى جاڭالىقتار

ەرلىكتى دارىپتەيتىن قوماقتى قور

رۋحانيات • 05 ماۋسىم، 2020

ۇقساس جاڭالىقتار