ايماقتار • 04 ءساۋىر، 2019

اقتوبەدە «Green Capital Kazakhstan» جىلىجاي كەشەنى اشىلدى

462 رەتكورسەتىلدى

اقتوبەدە «Green Capital Kazakhstan» جشس جىلىجايى رەسمي تۇردە اشىلدى. جوبا نيدەرلاندىدان ينۆەستيتسيا تارتۋ ارقىلى قازاقستان-ۆەنگريانىڭ ينۆەستيتسيالار قورىنىڭ قاتىسۋىمەن جۇزەگە اسىرىلدى دەپ حابارلايدى وبلىس اكىمدىگىنىڭ سايتى.

جىلىجاي كەشەنىنىڭ اشىلۋ شاراسىنا اقتوبە وبلىسىنىڭ اكىمى وڭداسىن ورازالين، قر سىرتقى ىستەر ءمينيسترىنىڭ ورىنباسارى ەرمەك كوشەرباەۆ، نيدەرلاندى كورولدىگىنىڭ قازاقستانداعى توتەنشە جانە وكىلەتتى ەلشىسى ديرك يان كوپ، ۆەنگريانىڭ قازاقستانداعى توتەنشە جانە وكىلەتتى ەلشىسى اندراش باراني قاتىستى.


«بارشا اقتوبەلىكتەردى  قالامىزدىڭ 150 جىلدىعى قارساڭىندا ىسكە  قوسىلعالى تۇرعان زاماناۋي جىلىجاي كەشەنىنىڭ ءبىرىنشى كەزەڭىنىڭ اشىلۋىمەن شىن جۇرەكتەن قۇتتىقتايمىن! اتالعان كەشەن تۇڭعىش پرەزيدەنتتىڭ تاپسىرماسىنا سايكەس، حالىق تابىسىنىڭ وسۋىنە جانە ىشكى نارىقتى وتاندىق تاۋارلارمەن تولىقتىرۋعا ىقپال ەتەدى دەپ سەنەمىن. اگروونەركاسىپتىك كەشەنىن دامىتۋ ارقىلى اۋىل شارۋاشىلىعى سالاسىندا مەملەكەتتىك قولداۋ كولەمى ارتىپ،  تىڭ جوبالار ىسكە قوسىلىپ، جاڭا جۇمىس ورىندارى قۇرىلىپ وتىرعانىن  ايتىپ وتكىم كەلەدى» - دەدى  و. ورازالين وز  قۇتتىقتاۋىندا.


ال سىرتقى  ىستەر  مينيسترىنىڭ  ورىنباسارى  ەرمەك كوشەرباەۆ  نيدەرلاندى قازاقستاننىڭ ەكونوميكاسىندا ينۆەستيتسيا بويىنشا  كوشباسشى  ەكەنىن اتاپ ءوتتى.


«2005 جىلدان باستاپ قازاقستان ەكونوميكاسىنا نيدەرلاندى  مەملەكەتىنەن 80 ملرد. دوللاردان جوعارى ينۆەستيتسيا تارتىلعان. قازىردە  1000-نان استام  گوللاندىق  كومپانيا قازاقستاندا جۇمىس جاسايدى. بۇگىن تاعى  دا  گوللاندىق  كاپيتالدىڭ  قاتىسۋىمەن  تاعى  بىر  ۇلكەن  جوبانىڭ  اشىلۋىنا  كۋا بولىپ  وتىرمىز.  بۇل جوبا قازاقستان رەسپۋبليكاسى  مەن نيدەرلاندى كورولدىگىنىڭ  اراسىنداعى  ساۋدا-ەكونوميكالىق  قاتىناستىڭ  نىعايۋىنا  سەپتىگىن تيگىزەدى دەپ سەنەمىن»-دەدى  مينيستر  ورىنباسارى.


«Green Capital Kazakhstan» جشس باس ديرەكتورى  الەۆەن  ديەدەريك  تەودوريكتىڭ  ايتۋىنشا، جاڭا  جىلىجايدا  قيار، قىزاناق وسىرىلەتىن بولادى. جوبا 2021 جىلعا دەيىن ءۇش كەزەڭدە جۇزەگە اسادى. ينۆەستيتسيانىڭ  جالپى  قۇنى 20 ملرد تەڭگەنى  قۇراسا، زاماناۋي  نىساننىڭ  كولەمى 20 گەكتاردى  الىپ جاتىر.


بىرىنشى  كەزەڭدە، ياعني، 2018 جىلى جەلتوقساندا 5 گەكتار القاپقا  قىزاناق ەگىلگەن.  دال  قازىر  بىرىنشى  ونىمدى  جيناۋ ناۋقانى  جۇرىپ جاتىر.  وندىرىستىڭ  تولىق  قۋاتتىلىعى جىلىنا 14 مىڭ  توننا.


جوبانى  ىسكە اسىرۋدا  2021 جىلعا قاراي  260 جاڭا  جۇمىس ورىندارى پايدا بولادى. سونداي اق، باسەكەلەستىكتى ارتتىرا وتىرىپ، ءونىم ىشكى  نارىقتى قامتيتىن بولادى. ودان ارتىلعان ونىم ەكسپورتتالادى.


مەملەكەتتىك زور قولداۋدىڭ ارقاسىندا وبلىستا سوڭعى ءۇش جىلدا اۋىل شارۋاشىلىعىنىڭ جالپى ءونىمى 24 %-كە  ارتىپ، 228،2 ملرد. تەڭگەنى قۇرادى. ال، سوڭعى ءۇش جىل ىشىندە اۋىل شارۋاشىلىعىنا 45،5 ملرد. تەڭگەدەن استام ينۆەستيتسيا تارتىلعان.


ايتا كەتەيىك،  «Green Capital Kazakhstan» جشس اۋىلشارۋاشىلىعىن قولداۋعا  ارنالعان مەملەكەتتىك «اگرارنايا كرەديتنايا كورپوراتسيا» اق  ارقىلى ىسكە  اساتىن «اگروەكسپورت» باعدارلاماسىنا  قاتىسادى.

سوڭعى جاڭالىقتار

ەلدىك نىشاندار تاريحى

قازاقستان • بۇگىن، 18:14

اتىراۋ: ءۇي قاماققا قامالعان قىز

ايماقتار • بۇگىن، 18:00

بيىل اۋىلعا تابيعي گاز جەتەدى

ايماقتار • بۇگىن، 14:29

ۇقساس جاڭالىقتار