ەكى جاقتى كەزدەسۋ بارىسىندا وبلىس باسشىسى كەلگەن قوناققا اقتوبە ءوڭىرىنىڭ ەكونوميكاسى جايلى ايتىپ بەردى. سونداي اق, اۋىلشارۋاشىلىعى, تسيفرلاندىرۋ جۇيەسى, جاسىل ەكونوميكالىق ايماققا اينالدىرۋعا قاتىستى ينۆەستيتسيالىق جوبالاردى كۇتەتىنىن ايتتى. جاڭا جوبالارعا قاتىستى وزگە مەملەكەتتەردەن دە كوپتەگەن ۇسىنىستار تۇسۋدە. وبلىس اكىمى ينۆەستيتسيالىق ۇسىنىستاردىڭ بارلىعىنا دا ورىن تابىلاتىنىن, ازىرگە ناقتى شەشىم قابىلدانباعانىن اتاپ ءوتتى. وڭداسىن ورازالين ەلباسىنىڭ تاپسىرماسىنا ساي, ەڭبەك ونىمدىلىگىن ارتتىرۋ باستى ماقساتىمىز بولىپ وتىر جانە وسىعان بايلانىستى بارلىق سالادا ۇسىنىستاردى, جاڭا تەحنولوگيالاردى قولداۋعا دايىن ەكەنىن جەتكىزدى. سەبەبى, اقتوبە جان-جاقتى لوگيستيكالىق دامۋعا قولايلى ايماق. سوندىقتان دا, شىعىس پەن باتىستى بايلانىستىرۋعا تولىق مۇمكىندىكتىڭ جەتەتىنىن ايتىپ ءوتتى.
ءوز كەزەگىندە, نيدەرلاندى كورلدىگىنىڭ قازاقستان رەسپۋبليكاسىنداعى توتەنشە جانە وكىلەتتى ەلشىسى ديرك يان كوپ مىرزا الدىمەن وبلىس باسشىسىن جاڭا قىزمەتىمەن قۇتتىقتاپ, شاقىرتۋ العانىنا العىس ءبىلدىردى. ديرك يان كوپ نيدەرلاندى مەن قازاقستان اراسىندا ءتۇرلى سالادا بىرلەسىپ جۇمىس جاساپ كەلە جاتقاندىعىن ايتىپ ءوتتى. نيدەرلاندى تاماق ونىمدەرىن وندىرۋدە اقش مەملەكەتىنەن كەيىنگى ەكىنشى ورىندا تۇرعان ەل. قر مەن اۋىلشارۋاشلىعى سالاسىندا جۇمىس جاساۋدا تىعىز قارىم-قاتىناس ورناعانىن دا تىلگە تيەك ەتتى.
وبلىس اكىمى وڭداسىن سەيىل ۇلى ەلشىگە اقتوبەدەگى قۇس ەتى ونىمدەرىن وندىرەتىن ءىرى جوبالاردىڭ بارىن جانە ولاردىڭ سانىن ارتتىرۋ قاجەتتىگىن جەتكىزدى. سونداي اق, وبلىستاعى وزەكتى ماسەلەنىڭ ءبىرى جاسىل ەنەرگەتيكا, جاسىل ايماق ماسەلەسىن دامىتۋ كەرەكتىگىن دە جەتكىزدى. سوعان وراي زامان تالابىنا ساي, جاڭا تەحنولوگيالاردى پايدالانا وتىرىپ, قازىرگى جۇرگىزىلىپ جاتقان جۇمىستى ودان ءارى دامىتۋ قاجەت دەدى. سونىمەن قاتار, «تسيفرلى قازاقستان» جوباسىن جۇزەگە اسىرۋ ماقساتىندا «سمارت سيتي» سىندى جوبالارعا قاتىستى ينۆەستيتسيالىق ۇسىنىستاردى كۇتەتىنىن جەتكىزدى. وبلىس باسشىسى و.ورازالين نيدەرلاندى كورلدىگىنىڭ قازاقستان رەسپۋبليكاسىنداعى توتەنشە جانە وكىلەتتى ەلشىسى ديرك يان كوپقا «بۇل اقتوبەگە جاساعان العاشقى ساپارىڭىز ء بىزدىڭ ء وڭىردىڭ دامۋىنا ىقپال ەتەدى دەپ سەنەمىن. ءبىزدىڭ ماقساتىمىز, ينۆەستيتسيا كولەمىن ارتتىرۋ, اۋىل شارۋاشىلىعى سالاسىن دامىتۋ, الداعى ۋاقىتتا بىرىگە تىعىز جۇمىس جاسايمىز» دەگەن سەنىمدەمىن دەدى ايماق باسشىسى.
