قازاقستان – تۇركمەنستان – يران تەمىرجول دالىزىمەن وتكەن جىلى جۇك تاسىمالى 1 مىڭ جفب قۇرادى.
«قتج» ۇك» اق باسقارما توراعاسىنىڭ ءبىرىنشى ورىنباسارى قانات الماعامبەتوۆ اتاپ وتكەنىندەي, كونتەينەرلىك جۇكتەر اعىنى اسىرەسە وزبەكستانعا جانە بولاشاق ستانتسياسى ارقىلى يرانعا ارتىپ وتىر. اتالعان دالىزگە وزبەكستاننىڭ قوسىلۋىمەن ول ايتارلىقتاي قىسقاردى.
«قىتايدان ءبىزدىڭ ەلىمىزگە جانە وزگە دە باعىتتارعا جۇكتەر ءترانزيتىن دامىتۋ ءۇشىن قولايلى تاريفتەردى ازىرلەۋ جانە وزگە دە جاعدايلاردى جاساۋ ماڭىزدى», - دەدى ق.الماعامبەتوۆ.
كەلىسسوزدەر بارىسىندا تاسىمالدى ارتتىرۋ ءۇشىن جۇكتەردى دەر كەزىندە جەتكىزۋدىڭ ماڭىزى اتاپ كورسەتىلدى. وسىعان بايلانىستى فيتينگتىك پلاتفورمالارعا سۇرانىستى قاناعاتتاندىرۋعا ەرەكشە نازار اۋدارىلۋدا. قازاقستاندىق تاراپ جۇكجونەلتۋشىلەردى جىلجىمالى قۇراممەن تولىق قامتاماسىز ەتۋگە مىندەتتەمە الىپ وتىر.
كەزدەسۋدە تيەلگەن كونتەينەرلەر ءۇشىن 2019 جىلى قىتاي – قازاقستان – وزبەكستان – تۇركمەنستان – يران ءدالىزى بويىنشا تاريفتىك شارتتاردى ورناتۋ جانە تۇراقتى كونتەينەرلىك سەرۆيستەردى ۇيىمداستىرۋ, ير – قحر باعدارىنا قوسىمشا جۇكتەردى تارتۋ ماسەلەلەرى تالقىلاندى. اعىمداعى جىلدىڭ ساۋىرىنەن باستاپ اقتاۋ – اليات باعدارى بويىنشا تۇراقتى فيدەرلىك سەرۆيس ىسكە قوسىلادى.
كەزدەسۋ قورىتىندىسى بويىنشا قازاقستان – تۇركمەنستان – يران تەمىرجول دالىزىنە وزبەكستان دا قوسىلادى. جاقتار اتالعان باعدار بويىنشا كونتەينەرلىك تاسىمالدارعا وزبەكستاندىق تاراپتىڭ قاتىسۋى تۋرالى شەشىمگە كەلىسمدەرىن بەردى.
جاقتار سونىمەن قاتار كەشەندى تاريفتىك ستاۆكالاردى كەلىستى.
كەزدەسۋ قورىتىندىسى بويىنشا ءتيىستى حاتتاماعا قول قويىلدى.
