وسى قولداۋ شارالارىن بىرتە-بىرتە ۇلعايتۋ, 2021 جىلعا دەيىن اگراريلەردىڭ اۋىل شارۋاشىلىق تەحنيكاسى مەن جابدىقتارىن ساتىپ الۋعا ينۆەستيتسيالار كولەمىن 100 ملرد. تەڭگەدەن 240 ملرد تەڭگەگە دەيىن جەتكىزۋ جانە 2021 جىلعا قاراي جابدىعىن جاڭارتۋدىڭ مينيمالدى تەحنولوگيالىق دەڭگەيىن 2% -دان 6% -عا دەيىن قامتاماسىز ەتۋ جوسپارلانۋدا.
ەنەرگەتيكا مينيسترلىگىمەن كەلىسىمى بويىنشا ناۋرىز-ماۋسىم ايلارىندا 380,0 مىڭ توننا ديزەل وتىنى ءبولىندى. ەگىس القاپتاردىڭ كوبەيۋىن ەسكەرە وتىرىپ, قوسىمشا ايماقتارعا 5,0 مىڭ توننا ديزەل وتىنى ءبولىندى. ايماقتارعا وتىن بەكىتىلگەن كەستەگە سايكەس جەتكىزىلەدى. ەنەرگەتيكا مينيسترلىگى وپەراتورلاردىڭ جەتكىزىلىمىن ەسكەرە وتىرىپ, زاۋىتتان 160 تەڭگە / ليتر (193,0 مىڭ تەڭگە / توننا) باعاسىن بەلگىلەدى, وڭىرلەردەگى ورتاشا باعا 176 تەڭگە / ليتر بولادى, بۇل نارىقتىق باعادان (جانار-جاعار ماي قۇيۋ ستانتسياسى - 195 تەڭگە / ليتر) 10 پايىزعا ارزان.
اگروونەركاسىپتىك كەشەن سۋبەكتىلەرىن 2019 جىلى «كەڭ دالا» باعدارلاماسى بويىنشا نەسيەلەندىرۋ ءۇشىن 60 ملرد تەڭگە ءبولىندى, سوڭعى قارىز الۋشىلار ءۇشىن سىياقى ستاۆكاسى جىلدىق 7% -دان اسپايدى. اگرارلىق نەسيە كورپوراتسياسى https://qoldau.kz/ پورتالى ارقىلى وتىنىشتەردى قابىلدايدى. اۋىل شارۋاشىلىعى تاۋارلارىن وندىرۋشىلەردى نەسيەلەندىرۋ نەسيە سەرىكتەستىكتەرى ارقىلى 13 ملرد تەڭگە, ەكىنشى دەڭگەيلى بانكتەر 14 ملرد تەڭگە جانە تىكەلەي نەسيە بەرۋ - 33 ملرد تەڭگە («انك» اق فيليالدارى ارقىلى) جۇزەگە اسىرىلادى. بۇل ءبولۋ شارتتى بولىپ تابىلادى, سەبەبى وتىنىمدەردى الۋعا قاراي قارجىلاندىرۋ قامتاماسىز ەتىلەدى.
