ەلوردانىڭ جۇمىسپەن قامتۋ ورتالىعى قايتا وقىتۋ كۋرستارىنا جۇمىسسىز ازاماتتاردى قابىلداپ جاتىر. قايتا دايارلاۋ ەڭبەك نارىعىندا سۇرانىسقا يە ماماندىقتار بويىنشا جۇرگىزىلەدى.
«جۇمىسسىز ازاماتتاردى ەڭبەك نارىعىندا سۇرانىسقا يە ماماندىقتار بويىنشا تەگىن قايتا وقىتۋ كۋرستارىنا قابىلداۋ جۇرگىزىلۋدە. اتاپ ايتقاندا, قايتا دايارلاۋ كۋرستارى ناۋبايشى, مەكتەپكە دەيىنگى ۇيىمداردىڭ تاربيەشىسى (پەداگوگيكالىق ءبىلىم مىندەتتى), مەنەدجەر (ساۋدا, تالاپ ەتىلمەگەن ماماندىعى بار جۇمىسسىزدار ءۇشىن جانە ديپلومى بولۋى كەرەك), اكىمشى, ەلەكتر جانە گازبەن دانەكەرلەۋشى, كيبەرقاۋىپسىزدىك مامانى, انيماتسيا جانە بەينە گرافيكا سالاسىنداعى مامان, ۋقالاۋشى (مەديتسينالىق ءبىلىم بولۋى كەرەك) سياقتى ماماندىقتار بويىنشا جۇرگىزىلەدى. وقۋ بارىسىندا اي سايىن 16 759 تەڭگە ستيپەنديا تولەنەدى. قايتا دايارلاۋ كۋرسىن ويداعىداي اياقتاعان سوڭ سەرتيفيكات بەرىلىپ, جۇمىسقا ورنالاسۋعا جاردەم كورسەتىلەدى», – دەپ مالىمدەدى ورتالىق.
بارلىق قاجەتتى اقپاراتتى جۇمىسپەن قامتۋ ورتالىعىنان الۋعا بولادى: بەيبىتشىلىك كوشەسى, 25, «وركەن» بو, 209 كەڭسە. انىقتاما تەلەفونى: 8 (7172) 57-89-78.
