ايماقتار • 04 ءساۋىر، 2019

تۇركىستان وبلىسىندا سۋ تاسقىنى قاۋپى جوق

672 رەت كورسەتىلدى

تۇركىستان وبلىسىندا سۋ تاسقىنىنان كەلەتىن قاۋىپ جوق. وڭىردەگى سەل ءجۇرۋى مۇمكىن ايماقتاردىڭ بارلىعى تۇراقتى باقىلاۋعا الىنعان. بۇل تۋرالى وڭىرلىك كوممۋنيكاتسيالار قىزمەتىندە وتكەن ءباسپاسوز جيىنىندا تۇركىستان وبلىسى بويىنشا توتەنشە جاعدايلار دەپارتامەنتىنىڭ باسشىسى نۇرعالي ءجۇنىسوۆ مالىمدەدى.

ونىڭ سوزىنشە، ايماقتاعى سۋ قويمالار مەن وزەندەردىڭ سۋ رەجيمىنە كۇندەلىكتى تۇراقتى تۇردە مونيتورينگ جۇرگىزىلۋدە.

«وبلىس اۋماعىندا تاسقىنعا قارسى ءىس-شارالار 2017 جىلى قازاقستان رەسپۋبليكاسى ۇكىمەتىنىڭ نۇسقاۋىمەن بەكىتىلگەن وڭىرلەردەگى «سۋ تاسقىنى قاۋپىنىڭ الدىن الۋ جانە جويۋ جونىندەگى 2017-2020 جىلدارعا ارنالعان ءىس-شارالار كەشەنى» جول كارتاسى نەگىزىندە جۇزەگە اسىرىلۋدا. تاسقىنعا قارسى ءىس-شارالار: سىرداريا وزەنىنەن باستاۋ الاتىن كانالداردىڭ باس توسپاسى بەكىتىلدى. وعان 50 مىڭ قاپ قۇم، 30 توننا ججم، 584 شاتىر، 4622 كەرەۋەت، 36 مىڭ ادامعا ارنالعان توسەك-ورىن دايىندالدى. سونداي-اق، 5،2 جالپى ۇزىندىعى شاقىرىم بولاتىن وزەندەردە جاعا بەكىتۋ جانە ارنا تۇزەۋ، 14 شاقىرىم قورعانىس دامباسى تۇرعىزىلدى. 24 شاقىرىمنان استام كانالدار مەن 7،2 شاقىرىم درەناجدى جۇيەلەر مەحانيكالىق تازارتۋدان وتكىزىلدى. سىرداريا وزەنىنىڭ جاعالاۋىنداعى 20 ەلدى مەكەندەگى قۇلاقتاندىرۋ جۇيەسىنە 120 ملن تەڭگە ءبولىنىپ، جاڭارتىلدى.»، – دەدى دەپارتامەنت باسشىسى.

جالپى وبلىس بويىنشا سۋ قويمالارىنىڭ ورتاشا تولۋى 55-60%-دى قۇرايدى. تاسقىن سۋلاردى قابىلداۋعا جەتكىلىكتى قورلارى بار، ال وزەندەردەگى سۋدىڭ ءوتۋى ورتا دەڭگەيدەن تومەن.

وبلىس اۋماعىندا سۋ تاسقىنى جاعدايى سىرداريا باسسەيىندىك وزەنىمەن تىكەلەي بايلانىستى بولعاندىقتان قاتاڭ باقىلاۋعا الىنعان. بۇگىنگى تاڭدا وزەننىڭ ارناسىندا سۋدىڭ اعىسى قالىپتى، جاعالاۋداعى ەلدى مەكەندەرگە قاۋىپ جوق. ال، تاۋداعى جينالعان قار قورى نورمادان تومەن، اۋماقتىڭ جازىق جەرلەرىندە قار جوق.

ايتا كەتەيىك، 2017 جىلى جوسپارلانعان 42 ءىس-شارا تولىق اياقتالعان. بىلتىر جوسپارلانعان 40 ءىس-شارانىڭ 31-ءى تولىق اياقتالىپ، 9-ى 2019 جىلدىڭ جارتى جىلدىعىنا ورىندالاتىن بولادى. ال، 2019 جىلى وتكىزىلەتىن 16 ءىس-شاراعا وبلىستىق بيۋدجەتىنەن 990 ملن تەڭگە قارالعان.

سوڭعى جاڭالىقتار

الماتىدا ەپيداحۋال كۇردەلەنىپ بارادى

كوروناۆيرۋس • بۇگىن، 11:00

«سارى» ايماقتا تۇركىستان وبلىسى تۇر

كوروناۆيرۋس • بۇگىن، 09:10

كوروناۆيرۋس قايتا كۇشەيدى

كوروناۆيرۋس • بۇگىن، 08:54

وڭتايلىسى – ونلاين وقۋ

ايماقتار • بۇگىن، 08:53

ساپا ارتپايىنشا، سۋبسيديا جوق

ايماقتار • بۇگىن، 08:45

كوروناۆيرۋس قايتا ءورشىدى

الەم • بۇگىن، 08:42

ۆيرۋس جۇقتىرۋ ازايماي تۇر

كوروناۆيرۋس • بۇگىن، 08:30

اسىعىس شەشىم

قازاقستان • بۇگىن، 08:15

كومەك كورسەتىلەدى

قوعام • بۇگىن، 08:10

قور ستراتەگياسى ازىرلەنەدى

قازاقستان • بۇگىن، 08:00

ۇقساس جاڭالىقتار