جارىستىڭ ماقساتى – جۇرتشىلىقتى بۇقارالىق سپورتقا باۋلۋ, جۋرناليستەر اراسىندا سالاۋاتتى ءومىر سالتىن ناسيحاتتاۋ, تۇركىستاندى سپورت ورتالىعى رەتىندە دامىتۋ. سونىمەن بىرگە جاڭا وبلىس ورتالىعى – تۇركىستاننىڭ وڭ ءيميدجىن قالىپتاستىرۋ كوزدەلگەن. رەسپۋبليكالىق ءتۋرنيردىڭ ۇيىمداستىرۋشىسى – تۇركىستان وبلىسى اكىمدىگىنىڭ ىشكى ساياسات باسقارماسى.
ءدۇبىرلى باسەكە قارساڭىندا رەسپۋبليكامىزداعى بەدەلدى تەلەارنالار مەن باسىلىمداردىڭ جۋرناليستەرىنە وڭىردەگى كيەلى ورىندار مەن كاسىپورىندارعا پرەسس-تۋر ۇيىمداستىرىلادى. باق وكىلدەرى تۇركىستان قالاسىنداعى قۇرىلىس نىساندارىن دا ارالاپ كورەدى. سونىمەن بىرگە وليمپيادا چەمپيونى بەكزات ساتتارحانوۆ اتىنداعى حالىقارالىق بوكس ءتۋرنيرىنىڭ فينالدىق باسەكەلەرىن تاماشالايدى.
بۇگىندە «جاڭارعان تۇركىستان» رەسپۋبليكالىق تۋرنيرىنە نۇر-سۇلتان, الماتى, شىمكەنت قالالارى مەن بقو, جامبىل, قىزىلوردا, الماتى, سقو جانە تۇركىستان وبلىسىنىڭ جۋرناليستەرىنەن قۇرالعان كوماندالار قاتىسۋعا ءوتىنىش بىلدىرگەن.
تۋرنير 5 ساۋىردە تۇركىستانداعى «استانا» سپورت كەشەنىندە وتەدى. ءبىرىنشى ورىن العان كومانداعا 500 مىڭ, ەكىنشى ورىنعا – 300 مىڭ, ال, قولا جۇلدەگەرگە 150 مىڭ تەڭگە تاپسىرىلادى. سونداي-اق ءتۋرنيردىڭ ۇزدىك قاقپاشىسى, شابۋىلشىسى, قورعاۋشىسى جانە ەڭ مىقتى ويىنشىسىنا ماراپاتتالسا, تاعى 3 ويىنشىعا و.جارىلعاپوۆ, ءا.نۇرماحانوۆ جانە ب.ساتتارحانوۆ اتىنداعى ارنايى جۇلدەلەر تاپسىرىلادى.
