«حالىقتىڭ ناقتى تابىس تابۋىنا قاتىستى ماسەلەلەردى تەك بيۋدجەتتىك شىعىندار ەسەبىنەن شەشۋ مۇمكىن ەمەس ەكەنىن دە تۇپكىلىكتى تۇسىنگەنىمىز ءجون. ءبىز بيۋدجەتكە قاتىستى كوزقاراسىمىزدى تۇبەگەيلى وزگەرتۋگە ءتيىسپىز» دەدى مەملەكەت باسشىسى.
پرەزيدەنت جەرگىلىكتى اكىمدەردىڭ كولىكتى, جيھازدى اسا قىمباتقا ساتىپ الاتىنىن سىنادى.
«جەرگىلىكتى اتقارۋ ورگاندارى ءتۇرلى يميدجدىك ءىس-شارالاردى وتكىزۋگە قۇمار. وسىنداي شىعىنداردى توقتاتىپ, جەرگىلىكتى بيۋدجەت قارجىسىن الەۋمەتتىك ءىس-شارالارعا جۇمساۋ كەرەك. جالپى, ىسىراپشىلدىققا توسقاۋىل قويۋ قاجەت, سونداي-اق, بيۋدجەتتىڭ جىمقىرىلۋىن مۇلدەم جويۋ كەرەك. ماسىلدىق پيعىلعا دا جول بەرمەۋىمىز كەرەك. ازاماتتارىمىز ءۇشىن ەڭ ۇتىمدى الەۋمەتتىك قورعاۋ – بۇل ءوز بيزنەسىن جۇرگىزۋگە مۇمكىندىگىنىڭ بولۋى نەمەسە بىلىكتى ەڭبەگى ءۇشىن لايىقتى ەڭبەكاقى الۋى» دەدى ق.توقاەۆ
