«قازاق مەملەكەتتىگىنىڭ نەگىزىن قالاۋشى ۇلى تۇلعا, قازاقستان رەسپۋبليكاسىنىڭ تۇڭعىش پرەزيدەنتى – ەلباسى نۇرسۇلتان ءابىش ۇلى نازارباەۆ ءوز ەركىمەن مەملەكەت باسشىسى وكىلەتتىگىن توقتاتتى. بۇل تاعدىرلى شەشىم جاھاندىق دەڭگەيدە, تاريحي اۋقىمدا تانىلعان ساياسي قايراتكەردىڭ كەمەڭگەرلىگى مەن پاراساتتىلىعىن الەمگە تاعى دا تانىتتى, مويىنداتتى. ۇلت كوشباسشىسى ءىس جۇزىندە تاۋەلسىز ەلدەگى ساياسي باسقارۋ مەن ساباقتاستىقتىڭ مۇلدە جاڭا, وزىق ۇلگىسىن جاساپ بەردى», دەدى پرەزيدەنت.
بۇدان كەيىن ق.توقاەۆ ءوزىنىڭ پرەزيدەنت رەتىندەگى نەگىزگى ۇستانىمى مەن ومىرلىك كوزقاراسى وسى باعىتتان اۋىتقىمايتىنىن جەتكىزدى.
«ەلدىڭ وركەندەۋ كەپىلدىگى مەملەكەتشىلدىك پەن ءداستۇر ساباقتاستىعىندا جانە وعان دەگەن قۇرمەت پەن ادالدىقتا جاتىر. ونسىز ەشقاشان تۇراقتىلىق تا, دامۋ دا بولمايدى» دەدى مەملەكەت باسشىسى.
