- جوبالارعا مونيتورينگ جۇرگىزىلەدى. بانكتەر نە سەبەپتى نەسيەلەۋدەن باس تارتادى, بيزنەس-جوبالاردى قولداۋدىڭ قانداي جاڭا مەحانيزمدەرى بار؟ وسى باعىتتا كاسىپكەرلەرگە جان-جاقتى تۇسىندىرىلەدى, - دەيدى وڭىرلىك كاسىپكەرلەر پالاتاسىنىڭ باسشىسى ابدوللا يدرەسوۆ.
«قاراپايىم زاتتار ەكونوميكاسى» تۋرالى قر تۇڭعىش پرەزيدەنتى ن.نازارباەۆتىڭ حالىققا جولداۋىندا ايتىلعان. ەلباسى تاپسىرماسىن ىسكە اسىرۋ – باستى مىندەت. جەرگىلىكتى جوبالاردى جەڭىلدىكپەن نەسيەلەۋ باعدارلاماسىنا جەتە ءمان بەرىلەدى. وسى ماقساتقا قارالعان 600 ملرد تەڭگەنىڭ 400 ملرد تەڭگەسى وڭدەۋ ونەركاسىبى سالالارىنا باعىتتالادى.
جوبالىق القا قۇرامىندا وبلىستىق كاسىپكەرلىك جانە يندۋستريالدى-يننوۆاتسيالىق دامۋ باسقارماسى مەن «دامۋ» قورىنىڭ اتىراۋداعى بولىمشەسىنىڭ وكىلدەرى بار. جوبا باستاماشىلارى قازىردەن باستاپ ەكىنشى دەڭگەيلى بانكتەرگە جەڭىلدەتىلگەن نەسيەگە ءوتىمىن بەرۋگە بولاتىنىن ايتادى. 2025 جىلعا قاراي «قاراپايىم زاتتار ەكونوميكاسى» اياسىندا 16 مىڭ تۇراقتى جۇمىس ورنىن قۇرىپ, بيۋدجەتكە سالىق تۇسىمدەرىن 1,1, ترلن تەڭگەگە دەيىن جەتكىزۋ كوزدەلىپ وتىر. سول ارقىلى ءوندىرىس كولەمى ارتىپ, يمپورت ۇلەسى 37 پايىزعا قىسقارادى.
وبلىستىق كاسىپكەرلىك جانە يندۋستريالدى-يننوۆاتسيالىق دامۋ باسقارماسىنىڭ باسشىسى ايقىن ەلەۋسىزوۆتىڭ ايتۋىنشا, مۇنداي جوبالىق القا ەلىمىزدە العاش رەت اتىراۋ وبلىسىندا قولعا الىنىپ وتىر. بۇل – كاسىپكەرلەرگە ۇلكەن مۇمكىندىك.
باقىتگۇل باباش,
«EgemenQazaqstan»
اتىراۋ
