رۋحانيات • 01 ءساۋىر، 2019

الماتىدا «جولبارىستى قۇتقارۋ» قۇجاتتامالىق ءفيلمىنىڭ تانىستىرىلىمى ءوتتى

298 رەت كورسەتىلدى

قازاقستاندىقتار 31 ناۋرىزدان باستاپ Discovery Channel كانالىنان جولبارىستى قورعاۋ جوباسىنا وراي تۇسىرىلگەن قۇجاتتامالىق ءفيلمدى تاماشالاۋدا. جاقىندا «Bekmambetov Cinema» Discovery Channel-مەن بىرلەسىپ، «جولبارىستى قۇتقارۋ» قۇجاتتامالىق ءفيلمىنىڭ تانىستىرىلىمىن وتكىزگەن بولاتىن. ءفيلمنىڭ رەجيسسەرى – «وسكار» سىيلىعىنىڭ يەگەرى روسس كاۋفمان. فيلمدە تابيعاتتىڭ تارلانى – جولبارىستار مەن بار ءومىرىن جانۋارلاردى قورعاۋ ىسىنە ارناعان كەيىپكەرلەر ءومىرى سۋرەتتەلگەن.

فيلم جولبارىستاردى قورعاۋمەن، ولاردى كوبەيتۋمەن اينالىساتىن  الەمنىڭ ەڭ ءىرى دەگەن ەكى تابيعي اۋماعىندا تۇسىرىلگەن.  اتالعان جوبانىڭ قازاقستان ءۇشىن دە ماڭىزى جوعارى.  قازاقستاندا ەكى جىلدان بەرگى ارالىقتا جولبرىستاردى كوبەيتۋ جوباسى بەلسەندى جۇزەگە اسىپ كەلەدى. بۇگىندە جوبا اياسىندا 415 مىڭ گەكتاردى الىپ جاتقان ىلە-بالقاش رەزەرۆاتى جۇمىس ىستەيدى.

تانىستىرىلىم بارىسىندا WWF رەسەي ورتالىق ازيا باعدارلامالارىنىڭ ديرەكتورى گريگوري مازمانيانتس تۇران جولبارىسىنىڭ جويىلىپ كەتۋ قاۋپىنە بايلانىستى ازىرلەگەن زەرتتەۋ ماقالاسىن وقىدى. ساراپشى ءوز بايانداماسىندا ىلە-بالقاش رەزەرۆاتىن دامىتۋ قازاقستان ءۇشىن عانا ەمەس جولبارىستاردى الەم بويىنشا قورعاۋعا باعىتتالعان يگى شارا ەكەنىن اتاپ ءوتتى.

قازاقستاندىق Start-time.kz  كراۋدفاندينگ پلاتفورماسىنىڭ ديرەكتورى ازيزا ۋتەگەنوۆا «ىلە-بالقاش» مەملەكەتتىك تابيعي رەزەرۆاتى جوباسى تۋرالى كوپشىلىكتى حاباردار ەتۋ كامپانياسىنىڭ اشىلعاندىعىنان حاباردار ەتتى. كامپانيانىڭ جولبارىس تۋرالى تولىق اقپارات بەرە وتىرىپ، اسىرەسە بالالارعا ءتيىستى ءبىلىم مەن  تاجىريبە بەرۋدەگى ماڭىزىنا توقتالعان ول قازىرگى كەزدە حوۋم كرەديت بانك تاراپىنان ءبىر ميلليون تەڭگە اۋدارىلعاندىعىن جەتكىزدى.


سوڭعى جاڭالىقتار

اتىراۋ وبلىسىندا 77 براكونەر انىقتالدى

ايماقتار • 23 قىركۇيەك، 2022

نوۆاك دجوكوۆيچ قازاقستانعا كەلەدى

تەننيس • 23 قىركۇيەك، 2022

اتىراۋدا قوناقۇيدەن ءورت شىقتى

وقيعا • 23 قىركۇيەك، 2022

ۇقساس جاڭالىقتار