تيمۋر شايمەرگەنوۆ 1982 جىلى جامبىل وبلىسىندا دۇنيەگە كەلگەن. 2004 جىلى الماتىداعى حالىقارالىق ماماندىقتار ينستيتۋتىن ءبىتىردى, 2009 جىلى پرەزيدەنت جانىنداعى قازاقستان ستراتەگيالىق زەرتتەۋلەر ينستيتۋتىندا ساياسي عىلىمدارىنىڭ كانديداتى عىلىمي دارەجەسىن الۋ ءۇشىن ديسسەرتاتسيا قورعادى.
2009-2018 جىلدارى گارۆارد, وكسفورد, كەمبريدج, پەنسيلۆانيا, كولۋمبيا ۋنيۆەرسيتەتتەرىندە باسشىلىق قۇرام ءۇشىن وقىتۋ باعدارلامالارى ءوتتى.
حالىقارالىق قاتىناستار جانە قاۋىپسىزدىك, ستراتەگيالىق مەنەدجمەنت جانە تاۋەكەلدەردى باسقارۋ سالاسىندا مامان بىلىكتىلىگى بار. قازاق, ورىس, اعىلشىن تىلدەرىن مەڭگەرگەن.
ەڭبەك جولىن 2004 جىلى ءال-فارابي اتىنداعى قازاق ۇلتتىق ۋنيۆەرسيتەتىندە باستاعان, قر پرەزيدەنتى جانىنداعى قازاقستاننىڭ ستراتەگيالىق زەرتتەۋلەر ينستيتۋتىندا, قر پارلامەنتى ءماجىلىسىنىڭ اپپاراتتارىندا جانە قر قاۋىپسىزدىك كەڭەسىنىڭ اپپاراتتارىندا, سونداي-اق قر پرەزيدەنتى اكىمشىلىگى جۇيەسىندە ءتۇرلى لاۋازىمداردا قىزمەت اتقاردى.
2017-2018 جىلدارى قر ءسىم جانىنداعى قوعامدىق كەڭەستىڭ مۇشەسى بولدى. 2017 جىلدان باستاپ قر پرەزيدەنتى جانىنداعى مەملەكەتتىك باسقارۋ اكادەمياسى ديپلوماتيا ينستيتۋتىنىڭ لەكتورى.
سىرتقى ىستەر مينيسترلىگىنە تاعايىندالعانعا دەيىن قر قورعانىس جانە اەروعارىش ونەركاسىبى ۆيتسە-ءمينيسترى بولىپ جۇمىس ىستەدى.
«قازاقستان حالقى اسسامبلەياسىنا 25 جىل», «قر كونستيتۋتسياسىنا 20 جىل», «قر تاۋەلسىزدىگىنە 25 جىل», «استاناعا 20 جىل», «قر ديپلوماتيالىق قىزمەتىنە 25 جىل», «قر ۇلتتىق قاۋىپسىزدىك كوميتەتىنە 25 جىل» مەدالدارىمەن ماراپاتتالعان.
