شارتتاردىڭ بارلىق تۇرلەرى بويىنشا جەكە زەينەتاقى شوتتارىنىڭ جالپى سانى 10,4 ملن بىرلىكتەن اسقان.
جىل باسىنان بەرى قور سالىمشىلارىنىڭ شوتتارىنا ەسەپتەلگەن تازا ينۆەستيتسيالىق تابىس سوماسى 12,1 ملرد تەڭگەگە جەتتى. زەينەتاقى جيناقتارىنىڭ تابىستىلىعى سوڭعى 12 اي ىشىندە (2018 جىلدىڭ اقپانى مەن 2019 جىلدىڭ اقپانى) 11 پايىزدى قۇرادى. بۇل كەزەڭدە ينفلياتسيا دەڭگەيى 4,8 پايىزدى كورسەتتى. وسىلايشا زەينەتاقى اكتيۆتەرىنىڭ تابىستىلىعى ينفلياتسيادان جوعارى بولىپ وتىر.
2019 جىلدىڭ ەكى ايى ىشىندە زەينەتاقى تولەمدەرى 43,0 ملرد تەڭگەنى قۇرادى. ونىڭ ىشىندە جاسىنا بايلانىستى تولەمدەر 28,3 ملرد تەڭگەنى, ال ساقتاندىرۋ ۇيىمدارىنا جاسالعان اۋدارىمدار 4,4 ملرد تەڭگە بولدى.سالىستىرىپ قارايتىن بولساق, وتكەن جىلدىڭ سايكەس كەزەڭىندە قوردان 62,8 ملرد تەڭگە تولەندى. ونىڭ ىشىندە ساقتاندىرۋ ۇيىمدارىنا جاسالعان اۋدارىمدار 2,6 ملرد تەڭگە بولدى.
بجزق سالىمشىلار مەن الۋشىلارعا قىزمەت كورسەتۋ بويىنشا جۇمىستاردى ۇنەمى جەتىلدىرىپ كەلەدى. جىل باسىنان بەرى سالىمشىلار مەن الۋشىلارعا 4,4 ميلليوننان استام قىزمەت كورسەتىلدى.بۇل رەتتە ەلەكتروندىق تاسىلمەن قىزمەت كورسەتۋ باسىمدىققا يە – 3,7 ميلليوننان استام وپەراتسيا (نەمەسە 85%) (شوتتان بەرىلگەن ءۇزىندى كوشىرمەلەردى ەسەپكە الا وتىرىپ) ەلەكتروندىق فورماتتا جۇزەگە اسىرىلدى.
«بجزق» اق تۇرعىندار اراسىندا تۇراقتى نەگىزدە اقپارات بەرۋ-ءتۇسىندىرۋ جۇمىستارىن جۇرگىزەدى. سونىمەن قاتار ۇيىمدار مەن كاسىپورىنداردا جانە ساۋدا ورىندارىندا كوشپەلى تانىستىرىلىمدىق شارالار وتكىزەدى. جىل باسىنان بەرى 4 مىڭنان استام تانىستىرىلىمدىق شارا وتكىزىلىپ, وعان 140 مىڭنان استام ادام قاتىستى.
2019 جىلدىڭ باسىنان بەرى بىرىڭعاي جيىنتىق تولەمدى (بجت) تولەۋ اياسىندا بجزق-داعى 19 605 جەكە زەينەتاقى شوتىنا جالپى سوماسى 10,7 ملن تەڭگەگە (4,7 ملن تەڭگە رەسپۋبليكالىق جانە وبلىستىق ماڭىزعا يە قالا تۇرعىندارىنان, ال 5,9 ملن تەڭگە باسقا ەلدىمەكەندەردىڭ تۇرعىندارىنان) 21 986 جارنا كەلىپ ءتۇستى. بجت تولەۋ اياسىندا 2019 جىلدىڭ اقپان ايىندا جارنا سوماسى 3,1 ەسەگە ۇلعايدى. سونىمەن قاتار بجت بويىنشا جارنالارى سانى 3,5 ەسەگە جانە وسى جارنالار تۇسەتىن زەينەتاقى شوتتارىنىڭ سانى 3,4 ەسەگە ارتتى.
الماتى
