رەپەر كەشكىسىن كوتەرىڭكى كوڭىل كۇيدە ۇيىنە قايتىپ كەلە جاتقاندا, جانىنا توقتاي قالعان «Lada» ماركالى اۆتوكولىكتەن تۇسكەن ءۇش جىگىت ونى سوققىعا جىققان. ناقتىراق ايتقاندا, تەمىر قۇبىرمەن باسىنان بىرنەشە مارتە ۇرعىلاعان. سوققىنىڭ سالدارىنان رەپەردىڭ ميى شايقالىپ, باسىنان اۋىر جاراقات العان. قازىر ول ەمحاناعا قارالىپ ءجۇر.
زارداپ شەگۋشىنىڭ تانىستارىنىڭ ايتۋىنشا, بۇل وقيعانىڭ ءتۇپ-تامىرى ۆلاديسلاۆ فەدوتوۆتىڭ شىعارماشىلىعىندا جاتقان بولۋى ابدەن مۇمكىن. ويتكەنى, جەرگىلىكتى جاستار اراسىندا Fuckyourfeel پسەۆدونيمىمەن تانىمال 21 جاسار رەپەردىڭ سوڭعى باتتل-ولەڭدەرى قۇلاققا تۇرپىدەي تيەتىن بوعاۋىز سوزدەرگە تولى بولعان.
قازىرگى ۋاقىتتا بۇل وقيعاعا قاتىسى بار كۇدىكتىلەر انىقتالىپ, ولاردىڭ ۇستىنەن قىلمىستىق ءىس قوزعالعان.
قايرات ءابىلدا,
«Egemen Qazaqstan»
قاراعاندى
