جەمقورلار ۇستالىپ جاتىر
سارسەنبى, 12 جەلتوقسان 2012 7:14
وبلىستىق ەكونوميكالىق قىلمىسقا جانە سىبايلاس جەمقورلىققا قارسى كۇرەس دەپارتامەنتى ءباسپاسوز قىزمەتىنىڭ حابارىنا قاراعاندا, جىل باسىنان بەرى وبلىستا سىبايلاس جەمقورلىق قىلمىسىنا قاتىستى 98 دەرەك انىقتالىپتى. بۇل وتكەن جىلدىڭ سايكەس كەزەڭىمەن سالىستىرعاندا 15 وقيعاعا ارتىق. قارجى پوليتسياسىنىڭ قىزمەتكەرلەرى قالالىق اۋماقتىق ينسپەكتسياسىنىڭ ينسپەكتورىن قاربىزدى تەكسەرمەي, لابوراتوريالىق ساراپتامادان وتكىزبەي كارانتيندىك تەكسەرۋ اكتىسىن بەرگەنى ءۇشىن پارا الۋ كۇدىگى بويىنشا ۇستاعان. ءجۇيەلى تۇردە پارا الىپ وتىرۋدى «داعدىعا» اينالدىرۋ دەرەگى بويىنشا ينسپەكتوردىڭ ۇستىنەن قىلمىستىق ءىس قوزعالدى.
سارسەنبى, 12 جەلتوقسان 2012 7:14
وبلىستىق ەكونوميكالىق قىلمىسقا جانە سىبايلاس جەمقورلىققا قارسى كۇرەس دەپارتامەنتى ءباسپاسوز قىزمەتىنىڭ حابارىنا قاراعاندا, جىل باسىنان بەرى وبلىستا سىبايلاس جەمقورلىق قىلمىسىنا قاتىستى 98 دەرەك انىقتالىپتى. بۇل وتكەن جىلدىڭ سايكەس كەزەڭىمەن سالىستىرعاندا 15 وقيعاعا ارتىق. قارجى پوليتسياسىنىڭ قىزمەتكەرلەرى قالالىق اۋماقتىق ينسپەكتسياسىنىڭ ينسپەكتورىن قاربىزدى تەكسەرمەي, لابوراتوريالىق ساراپتامادان وتكىزبەي كارانتيندىك تەكسەرۋ اكتىسىن بەرگەنى ءۇشىن پارا الۋ كۇدىگى بويىنشا ۇستاعان. ءجۇيەلى تۇردە پارا الىپ وتىرۋدى «داعدىعا» اينالدىرۋ دەرەگى بويىنشا ينسپەكتوردىڭ ۇستىنەن قىلمىستىق ءىس قوزعالدى. ال وبلىستىق ءىىد جول پوليتسياسى قىزمەتىنىڭ ينسپەكتورى قىسقا ۋاقىتتا كولىك جۇرگىزۋدى ۇيرەتىپ, كولىك جۇرگىزۋ كۋالىگىن بەرگەنى ءۇشىن 65 مىڭ تەڭگە سوماسىندا پارا الدى دەپ ايىپتالۋدا. ەكىباستۇزدىڭ مەردىگەرلىك ۇيىمىنىڭ ديرەكتورى 2008-2010 جىلدار ارالىعىندا مەملەكەتتىك «اۋىز سۋ باعدارلاماسى» – «پاۆلودار وبلىسىنىڭ شىدەرتى كەنتىندە سۋ جابدىقتاۋ جانە سۋ ءبولىستىرۋ جۇيلەرىن قايتا قالپىنا كەلتىرۋ» بويىنشا اتقارىلعان جۇمىستار جونىندە جالعان قۇجاتتار جاساپ, 106 ميلليوننان استام تەڭگە كولەمىندە بيۋدجەت قاراجاتىن جىمقىرعان. سوت مەردىگەرگە قاتىستى بۇلتارتپاۋ شاراسىن قولدانىپ, ۇيقاماققا الدى.
فاريدا بىقاي,
«ەگەمەن قازاقستان».
پاۆلودار.
