«بۇل كوميتەتتىڭ توراعاسى لاۋازىمىنا مۇحتار ابرار ۇلى قۇل-مۇحاممەدتىڭ كانديداتۋراسىن ۇسىنامىن. م. ابرار ۇلى بەلگىلى قوعام جانە مەملەكەت قايراتكەرى. «نۇر وتان» پارتياسى توراعاسىنىڭ ءبىرىنشى ورىنباسارى, مەملەكەتتىك حاتشى, مينيستر, وبلىس اكىمى بولىپ اسا جاۋاپتى لاۋازىمداردى ابىرويمەن اتقاردى. ءبىلىمدى, بىلىكتى جانە تاجىريبەلى دەپۋتات», - دەدى سەنات سپيكەرى داريعا نازارباەۆا.
سەناتورلار حالىقارالىق قاتىناستار, قورعانىس جانە قاۋىپسىزدىك تۇراقتى كوميتەتىنىڭ توراعاسى قىزمەتىنە مۇحتار قۇل-مۇحاممەدتى سايلاۋ تۋرالى شەشىمدى ءبىراۋىزدان قولدادى.
«بۇگىنگى كورسەتكەن قولداۋ مەن سەنىم - بۇل مەن ءۇشىن ۇلكەن جاۋاپكەرشىلىك. سوندىقتان بارلىق كۇش-جىگەرىمدى وسى سەنىمدى اقتاۋعا جۇمسايتىن بولامىن. بارشاڭىزعا راحمەت!», - دەدى م. قۇل-مۇحاممەد.
م. ابرار ۇلى 1960 جىلى 12 جەلتوقساندا تۋعان, قازاق, ءبىلىمى جوعارى. س.م. كيروۆ اتىنداعى قازاق مەملەكەتتىك ۋنيۆەرسيتەتىن بىتىرگەن. جۋرناليست, زاڭ عىلىمدارىنىڭ دوكتورى, پروفەسسور. قر مادەنيەت, اقپارات جانە قوعامدىق كەلىسىم ءمينيسترى, قر پرەزيدەنتىنىڭ كەڭەسشىسى, ءباسپاسوز حاتشىسى, قر پرەزيدەنتى اكىمشىلىگى باسشىسىنىڭ ورىنباسارى, قىزىلوردا وبلىسىنىڭ اكىمى, «نۇر وتان» پارتياسى توراعاسىنىڭ ءبىرىنشى ورىنباسارى بولىپ قىزمەت اتقاردى. «قۇرمەت», «پاراسات», III دارەجەلى «بارىس» وردەندەرىمەن ماراپاتتالعان.
ەستەرىڭىزگە سالا كەتەيىك, حالىقارالىق قاتىناستار, قورعانىس جانە قاۋىپسىزدىك تۇراقتى كوميتەتىنىڭ توراعاسى قىزمەتىن داريعا نازارباەۆا اتقارعان ەدى. بيىلعى 20 ناۋرىز كۇنى داريعا نازارباەۆا قر پارلامەنتى سەناتىنىڭ سپيكەرى بولىپ سايلاندى.
