«وقيعا ورنىنان ءۇش ءمايىت تابىلدى. ولاردىڭ كىم ەكەنى ءالى انىقتالعان جوق. تىكۇشاقتىڭ قالدىقتارى 500 مەتر جەردەن تابىلدى», دەلىنگەن قىزىلوردا وبلىسىنىڭ دەنساۋلىق ساقتاۋ باسقارماسىنىڭ حابارلاماسىندا.
ەسكە سالا كەتسەك, قر ءىىم تجك ءباسپاسوز قىزمەتى بۇعان دەيىن قىزىلوردا وبلىسىنىڭ جالاعاش اۋدانىندا مي-8 تىكۇشاعى اپاتقا ۇشىراعانىن حابارلانعان. قورعانىس مينيسترلىگىنىڭ حابارلاۋىنشا, اتالمىش تىكۇشاق 4 بىردەي اسكەري تىكۇشاق قۇرامىنان تۇراتىن بولىممەن بىرگە اقتاۋ قالاسىنان شىمكەنتكە ۇشىپ بارا جاتقان. ۇشۋ ساپارى ارنايى بولىمشەلەردىڭ «التىن جەبە» كەشەندى وقۋ جانە جاتتىعۋ اياسىندا قاراڭعى ۋاقىتتا ءارى كۇردەلى مەتەورولوگيالىق جاعدايدا جۇرگىزىلگەن.
«قورعانىس ءمينيسترى نۇرلان ەرمەكباەۆتىڭ بۇيرىعىمەن اپات ورنىنا ارنايى قۇرىلعان قر قورعانىس مينيسترلىگىنىڭ كوميسسياسى جىبەرىلدى. قازىرگى ۋاقىتتا ءتورت تىكۇشاقتىڭ ەكەۋى قىزىلوردا قالاسىنا قوندى. ال قالعان ءبىر تىكۇشاق وقيعا ورنىنا قايتا ورالدى. قورعانىس مينيسترلىگى ىشكى ىستەر مينيسترلىگىمەن بىرلەسىپ بولعان اۋە اپاتىنىڭ سەبەبىن انىقتاۋ ماقساتىندا تەرگەۋ جۇمىستارىن جۇرگىزىپ جاتىر», دەلىنگەن مينيسترلىكتىڭ حابارلاماسىندا.
