سول تۇستا «ەل-جۇرتتىڭ جاعدايى مىناۋ. ءتاي-ءتاي باسقان تاۋەلسىز مەملەكەتىمىز ءالى دە ەڭسە تىكتەي الماي جاتىر. كەلەشەگىمىز قالاي بولادى؟» دەگەن سانسىز وي سانامىزدى شارلادى. سول كەزدەرى ءبىز جالىنداپ ءوسىپ كەلە جاتقان جاستار ەدىك. حالىقارالىق دودالاردا ەلەۋلى تابىستارعا قول جەتكىزىپ, بولاشاققا ۇلكەن جوسپار قۇرىپ تا ۇلگەرگەنبىز.
دەسەك تە ىشتە «سپورتتىق كارەرامىز ەندى نە بولادى؟» دەگەن ۋايىم دا بولادى. بىراق مۇنىمىز بەكەر ەكەن. مەملەكەت باسشىسى ءوزىنىڭ سىندارلى ءارى ساليقالى ساياساتىنىڭ ارقاسىندا ەلىمىزدى تىعىرىقتان الىپ شىقتى. داعدارىستى جەڭە بىلدىك. تىپتەن, ەڭ ءبىر قيىن كەزەڭدەردىڭ وزىندە نۇرسۇلتان نازارباەۆتىڭ سپورتشىلار قاۋىمىنا دەگەن قامقورلىعى ەرەكشە بولدى. ەلباسى بىزگە ۇنەمى قولداۋ كورسەتىپ, ءوز قامقورلىعىن ەش اياعان جوق. سونىڭ ارقاسىندا قازاقستاننىڭ سپورتتىق داڭقى اسقاقتاپ, اتاعى شارتاراپقا جايىلدى.
جەكە وزىمە كەلەر بولسام, نۇرسۇلتان ابىش ۇلىمەن بىرنەشە رەت جۇزدەسۋدىڭ ءساتى ءتۇستى. مەملەكەت باسشىسى مەنى 1996 جىلى اتلانتا وليمپياداسىنان كەيىن «قۇرمەت» وردەنى, 1999 جىلى حيۋستونداعى الەم چەمپيوناتىنان كەيىن «پاراسات» وردەنى جانە 2000 جىلى سيدنەيدەگى وليمپيا ويىندارىنان كەيىن «ەرەن ەڭبەگى ءۇشىن» مەدالىمەن ماراپاتتادى. ءيا, ماراپات العان ادامنىڭ اركەز مارقايىپ جۇرەتىنى راس قوي. سونىمەن قاتار ايتۋلى كەزدەسۋلەردىڭ بارلىعىنان كەرەمەت اسەر الىپ, ەلباسىنىڭ كورەگەندىگىنە تامساندىق.
ءسوز سوڭىندا قوسارىم, ەلوردامىزدىڭ نۇر-سۇلتان بولىپ وزگەرۋى دە كوڭىلىمنەن شىقتى.
بولات ءجۇمادىلوۆ,
وليمپيادانىڭ ەكى دۇركىن كۇمىس جۇلدەگەرى, الەم چەمپيونى
