بۇگىن باس قوسقان ليگانىڭ ديرەكتورلار كەڭەسىنىڭ مۇشەلەرى الداعى جارىستىڭ ءجون-جاپسارىن جان-جاقتى تالقىلاپ, چەمپيوناتتىڭ قۇرىلىمى مەن قاتىسۋشىلار قۇرامىن بەكىتتى. سوعان سايكەس بيىلعى تۇراقتى بىرىنشىلىكتىڭ كۇنتىزبەسى ساقتالىپ, بارلىق كوماندا 62 ويىننان وتكىزەدى. ەۋروتۋردىڭ ءار كەزەڭىندەگى جارىستار كەزىندە ءۇزىلىس التى كۇندى, ال الەم چەمپيوناتى قارساڭىنداعى ءۇزىلىس جەتى كۇندى قۇرايدى.
1 قىركۇيەكتە باستالاتىن تۇراقتى بىرىنشىلىك 27 اقپانعا دەيىن سوزىلادى. پلەي-وفف سايىستارى 1 ناۋرىز بەن 30 ءساۋىر ارالىعىندا وتكىزىلەدى. ال وسى «جۇلدىزدار ماتچى» كەلەسى جىلدىڭ 18-19 قاڭتار ارالىعىندا سانكت-پەتەربۋرگتە ۇيىمداستىرىلادى.
عالىم سۇلەيمەن,
«Egemen Qazaqstan»
