اڭگىمەلەسۋ بارىسىندا گەرمانيا كانتسلەرى انگەلا مەركەل نۇرسۇلتان نازارباەۆتىڭ قازاقستان رەسپۋبليكاسىنىڭ پرەزيدەنتى وكىلەتتىگىن توقتاتۋ تۋرالى شەشىمىن زور قۇرمەتپەن قابىل العانىن ايتتى.
انگەلا مەركەل تاۋەلسىز قازاقستاننىڭ جەتىستىكتەرى ەلباسىنىڭ ەسىمىمەن تىكەلەي بايلانىستى ەكەنىن, سونداي-اق ونىڭ حالىقارالىق ارەناداعى بەدەلىن, الەمدەگى قاۋىپسىزدىك پەن تۇراقتىلىقتى قامتاماسىز ەتۋدەگى جەمىستى كۇش-جىگەرىن اتاپ ءوتتى.
گەرمانيا كوشباسشىسى دوستىق پەن سەنىمگە نەگىزدەلگەن قازاقستان-گەرمانيا ىنتىماقتاستىعىنىڭ قالىپتاسۋىنا جانە نىعايا تۇسۋىنە نۇرسۇلتان نازارباەۆتىڭ قوسقان ۇلەسىن ەرەكشە باعالادى.
انگەلا مەركەل قازاقستاننىڭ تۇڭعىش پرەزيدەنتىنە زور دەنساۋلىق, سونداي-اق حالىقتىڭ يگىلىگى جولىنداعى الداعى قىزمەتىنە تابىس تىلەدى.
تاراپتار تۇراقتى بايلانىستارىن جالعاستىرا بەرۋگە ۋاعدالاستى.
