"ميراس" رەسپۋبليكالىق كەڭەسىنىڭ مۇشەلەرى مەن زيالى قاۋىم وكىلدەرىنىڭ اتالعان ماسەلەلەر بويىنشا پىكىرلەرى تۇشىمدى بولدى. تاۋەلسىزدىگىمىزدى الىپ, ەگەمەندى ەل بولۋىمىزدا ەلباسىنىڭ ەتكەن ەرەن ەڭبەگىنە ەشكىمنىڭ دە كۇمانى جوق ەكەندىگى ايتىلدى. قر پارلامەنتى ءماجىلىسىنىڭ دەپۋتاتى بەكبولات تىلەۋحان «سوناۋ 1998 جىلى جەتىسۋدىڭ جىلى جەلى ەسكەن الاتاۋدىڭ باۋرايى الماتىدان ايازى ازىناعان اقمولاعا كوشۋدى نۇرسۇلتان ءابىش ۇلى ءوزىنىڭ مۇددەسى ءۇشىن جاساعان جوق. سارىارقانىڭ تورىنە جاڭا استانانىڭ قازىعىن قاققان ەلباسىنىڭ سول كەزدەگى كورەگەن ساياساتى ەلدى العا قاراي جەتەلەدى» دەدى. قر پرەزيدەنتىنىڭ استانانى نۇر-سۇلتان قالاسى دەپ قايتا اتاۋ تۋرالى جارلىققا قول قويۋى ەلباسى سالعان باعىتتىڭ جالعاساتىندىعىن بىلدىرەتىندىگىن, دەر كەزىندە جاسالعان شەشىم بولعانىن زيالى قاۋىم وكىلدەرى تىلگە تيەك ەتتى.
- حالىق اراسىندا «قالانىڭ اتىن وزگەرتۋ قىرۋار قارجىنى قاجەت ەتەدى», «بارلىق قۇجاتتاردى اۋىستىرۋ كەرەك» دەگەن سياقتى الىپ-قاشپا اڭگىمەلەر ءجۇرىپ جاتىر. مەن سىزدەرگە وسىعان بايلانىستى ادىلەت مينيسترلىگىنىڭ اقپاراتىن جەتكىزگىم كەلىپ وتىر. ەلوردا اتاۋىنىڭ وزگەرۋى ازاماتتارعا ساتىپ الۋ-ساتۋ, سىيعا تارتۋ, اۋىستىرۋ, پايدالانۋعا قابىلداۋ سىندى جىلجىمايتىن م ۇلىكتىڭ قۇقىن بەلگىلەيتىن قۇجاتتاردى, سونىمەن قاتار تۋ تۋرالى, ولگەنى تۋرالى, نەكە قيۋ/بۇزۋ تۋرالى ازاماتتىق حال-اقۋال اكتىلەرىن تىركەۋ قۇجاتتارىن اۋىستىرۋ مىندەتىن جۇكتەمەيدى. اتالعان قۇجاتتاردا ەلوردانىڭ بۇرىنعى اتاۋىنىڭ جازىلۋى ولاردى جارامسىز قىلمايدى, - دەدى بەكبولات تىلەۋحان.
ساياساتتىڭ زاڭىمەن 1998 جىلعى تاريحتىڭ جابۋلى قازان جابۋلى كۇيىندە قالعان ەسكى پاراقتارىن اقتارعان قۋانىش سۇلتانوۆ ءدال سول كەزدەگى ەلباسىنىڭ قانشاما قارسىلىققا قاراماستان بەلىن بەكەم بۋىپ, استانانى كوشىرىپ, جاساعان ارەكەتىنىڭ بۇگىنگى جەمىسىنە ەرەكشە قۋاندى. كورشىنىڭ كولەڭكەسىنە ءسىڭىپ كەتەر قاۋپى تونگەن وڭىرلەرىمىزدىڭ بۇگىندە وركەندەپ كەلە جاتقانى ەلباسىنىڭ ارقاسى ەكەنىن جاسىرمادى. ەلوردانى تۇڭعىش پرەزيدەنتىمىزدىڭ اتىمەن اتاۋ ورىندى دەدى.
قوعام قايراتكەرى مىرزاتاي جولداسبەكوۆ «بىتكەن ىسكە سىنشى كوپ» دەي كەلە, قانشاما دانا تۇلعالاردىڭ قازاق تاريحىندا بولعاندىعىنا, بىراق نۇرسۇلتان ءابىش ۇلىنىڭ ورنى ەرەك ەكەنىن باسا ايتتى. قازاق جاقسىلىققا جاقسىلىق جاساي بىلەتىن, ىزگىلىككە العىسىن ايتا بىلەتىن حالىق ەمەس پە؟ بەيبىت زاماندا, كوزىنىڭ تىرىسىندە نەگە قۇرمەتتەپ, توبەمىزگە كوتەرمەسكە دەگەن ويىن ءتۇيدى.
ەكىنشى ماسەلە بويىنشا, «باقۋاتتى قوعام: ونجىلدىقتىڭ 10 ماقساتى» اتتى باعدارلامانىڭ جۇزەگە اسىرىلۋىن "ميراس" رەسپۋبليكالىق كەڭەسى باستى نازاردا ۇستايتىن بولدى. قر پارلامەنتى ءماجىلىسىنىڭ دەپۋتاتى ساۋىتبەك ءابدىراحمانوۆ ەلباسىنىڭ "Nur وtan" پارتياسىنىڭ ءحVىىى سەزىندە قازاقستان الەۋمەتتىك مەملەكەت ەكەندىگىنە ەرەكشە توقتالىپ, حالىقتىڭ ءال-اۋقاتىن كوتەرۋدى تاپسىرعانىن جانە بۇل باعدارلامانىڭ ماڭىزىنا توقتالدى.
ال, حالىقارالىق تۇركى اكادەمياسىنىڭ پرەزيدەنتى دارحان قىدىرالى اتالعان قۇجاتتىڭ شالعايداعى اعايىننىڭ جاعدايىن جاقسارتۋعا ارنالعان باعدارلاما بولاتىنىن جانە بۇل "Nur وtan" پارتياسىنىڭ ناعىز حالىقتىق پارتيا ەكەندىگىن دالەلدەيتىنىن اتاپ ءوتتى. ەلوردانىڭ اتاۋىن وزگەرتۋگە قاتىستى دا پىكىرىن ءبىلدىردى.
"نۇر-مەديا" حولدينگى باس ديرەكتورىنىڭ ورىنباسارى ماكسيم سپوتكاي "ميراس" رەسپۋبليكالىق كەڭەسى الداعى ۋاقىتتا باعدارلاما نەگىزىندە مونيتورينگ جاساپ, جاعدايدى باقىلاۋ كەرەك دەپ ۇسىنىس ايتتى. ەلباسىنىڭ ساياساتىن جالعاستىرۋ ءۇشىن باعدارلامانى تيىسىنشە جۇزەگە اسىرۋ كەرەكتىگىن اتادى. جاسالعان ۇسىنىستىڭ بارلىعىن قايتا قاراپ, "ميراس" رەسپۋبليكالىق كەڭەسىنىڭ مۇشەلەرى ىسكە كىرىسەتىن بولدى.
