قالالىق موبيلدىلىك باسقارماسىنىڭ باسشىسى ساعىندىق تەلىباەۆتىڭ سوزىنشە, بيىل جەلتوقسان ايىندا رىسقۇلوۆ داڭعىلى مەن قۇلجا تاس جولى, سەيفۋللين مەن جانسۇگىروۆ كوشەلەرى, رىسقۇلوۆ پەن ەمتسوۆ كوشەلەرىنىڭ قيىلىسىنداعى جول ايىرىقتارىنىڭ قۇرىلىسى تولىقتاي اياقتالادى. بۇل جول ايىرىقتاردىڭ ارقاسىندا كولىكتەردى وتكىزۋ اعىنى 15 پايىزعا ارتادى دەگەن ءۇمىت بار.
بۇعان قوسا, قالاداعى ۇلكەن الماتى اينالما جولىنا ەكى كوشە جالعانباق. اباي كوشەسى قالانىڭ شەتكى اۋداندارىنا دەيىن سوزىلسا, سايىن كوشەسىنىڭ اقىن سارا كوشەسى مەن رىسقۇلوۆ كوشەسىنىڭ ارالىعى تولىق جوندەلەدى. بۇل ۇلكەن الماتى اينالما جولىنا جالعاناتىن بولادى. قۇرىلىس جۇمىستارى كەلەر جىلدىڭ قىركۇيەك ايىنا دەيىن جوسپارلانعان.
ارمان وكتيابر,
«ەگەمەن قازاقستان»
