بۇل ءىس-شارا ورتالىق ازيا بويىنشا ايماقتىق جوبانىڭ شەڭبەرىندەگى «ەۋروپا كەڭەسىنىڭ 2019-2022 جىلدارعا ارنالعان قازاقستانمەن كورشىلەس ىنتىماقتاستىقتىڭ باسىم باعىتتارى» اتتى جاڭا باعدارلاماسىنىڭ ەكىنشى كەزەڭىنىڭ باستالۋىنا باعىتتالدى.
ءوز سوزىندە سىرتقى ىستەر مينيسترلىگىنىڭ وكىلى قازاقستاننىڭ 1997 جىلدان بەرى ۇيىممەن جانە ونىڭ قۇرىلىمدارىمەن بەلسەندى ىنتىماقتاسىپ كەلە جاتقانىن, ەك مۇشە ەمەس مەملەكەتتەرىنە اشىق كونۆەنتسيالارىنا قاتىسۋ مۇمكىندىگىن پايدالاناتىنىن اتاپ ءوتتى. سونىمەن قاتار, قازاقستان رەسپۋبليكاسى زاڭنامانى جەتىلدىرۋ سالاسىنداعى وزىق تاجىريبەلەرمەن الماسۋ ماقساتىندا ەۋروپا كەڭەسىنىڭ ۆەنەتسيا كوميسسياسىمەن جەمىستى قارىم-قاتىناستى جالعاستىرۋدا. ەۋروپا كەڭەسى پارلامەنتتىك اسسامبلەياسىمەن ءتيىستى كەلىسىم نەگىزىندە پارلامەنتارالىق بايلانىستار بويىنشا ىنتىماقتاستىق دامىپ كەلەدى - 2004 جىلدان باستاپ قازاقستاندىق دەپۋتاتتار تۇراقتى تۇردە ەكپا سەسسيالارىنا بەلسەندى قاتىسادى.
قازاقستاندىق ديپلومات سوت جۇيەسىنىڭ تاۋەلسىزدىگىن نىعايتۋعا, قىلمىستىق زاڭنامانى گۋمانيزاتسيالاۋعا جانە ادام قۇقىقتارى مەن بوستاندىقتارىن قورعاۋعا باعىتتالعان جۇيەلى رەفورمالار اياسىندا قازاقستاننىڭ ەۋروپا كەڭەسىمەن ءوزارا ءىس-قيمىلدى ساقتاۋ جانە جالعاستىرۋدىڭ ماڭىزدىلىعىن اتاپ ءوتتى.
ەلدىڭ ساياسي ومىرىندەگى سوڭعى وزگەرىستەر تۋرالى ايتا كەلە, ر.ۆاسيلەنكو قازاقستان رەسپۋبليكاسىنىڭ تۇڭعىش پرەزيدەنتى - ەلباسى نۇرسۇلتان نازارباەۆتىڭ «قازاقستان بولاشاق - جالپىعا ورتاق ەڭبەك قوعامى» دەگەن ءسوزىن كەلتىردى. بۇل - ءبارى دە ادام يگىلىگى ءۇشىن جاسالاتىن, ەكونوميكاسى مىقتى مەملەكەت. ونىڭ ءبىلىم سالاسى دا, دەنساۋلىق ساقتاۋ سالاسى دا ۇزدىك بولادى. وندا بەيبىتشىلىك پەن تىنىشتىق سالتانات قۇرادى. ازاماتتارى ەركىن ءارى تەڭ قۇقىلى, ال بيلىگى ادىلەتتى بولماق. مۇنداي ەلدە زاڭ ۇستەمدىك ەتەدى. ديپلومات مەملەكەت باسشىسى رەتىندە ءوزىنىڭ العاشقى سوزىندە قاسىم-جومارت توقاەۆ تۇڭعىش پرەزيدەنتتىڭ ستراتەگيالىق باعىتىن مەملەكەت ىشىندە دە, ودان تىس جەرلەردە دە جالعاستىرۋعا دەگەن ۇمتىلىسىن راستادى.
بەلگىلى بولعانداي, 2018 جىلدىڭ شىلدەسىندە «قازاقستانداعى سوت تورەلىگى جۇيەسىنىڭ ساپاسى مەن تيىمدىلىگىن ارتتىرۋدا قازاقستاندىق بيلىككە قولداۋ كورسەتۋ» اتتى ەۋروپا كەڭەسى مەن ەۋروپالىق وداقتىڭ بىرلەسكەن جوباسى ءساتتى اياقتالدى. باعدارلاما قىلمىستىق سوت تورەلىگى سالاسىنداعى ىنتىماقتاستىقتىڭ ستراتەگيالىق نەگىزى رەتىندە قازاقستاننىڭ مەملەكەتتىك ورگاندارىمەن تىعىز ىنتىماقتاستىقتا ازىرلەنگەن. باعدارلامانىڭ ماقساتى - قازاقستاننىڭ زاڭنامالىق بازاسىنىڭ نورماتيۆتەرىن ءادىل سوت جۇيەسىنىڭ وزىق تاجىريبەلەرىنە سايكەس جەتىلدىرۋ.
باعدارلامانى ىسكە اسىرۋ ناتيجەسىندە, قازاقستان قىلمىستىق سوت تورەلىگى سالاسىنداعى ەۋروپا كەڭەسىنىڭ ءۇش قۇقىقتىق قۇجاتىنا قوسىلدى, اتاپ ايتقاندا, «زاڭسىز جولمەن الىنعان كىرىستەردى زاڭداستىرۋ, تابۋ, الىپ قويۋ جانە تاركىلەۋ تۋرالى», «سالىق سالاسىندا ءوزارا اكىمشىلىك كومەك تۋرالى» جانە «سالىق سالاسىنداعى ءوزارا əكىمشىلىك كومەك تۋرالى كونۆەنتسياعا تۇزەتۋلەر ەنگىزۋ تۋرالى». باسقا قىلمىستىق سوت تورەلىگى اياسىنداعى كونۆەنتسيالارىنا قوسىلۋ تۋرالى جۇمىس جالعاسۋدا.
سونىمەن بىرگە, قازاقستان 2015 جىلى ەۋروپالىق پروكۋرورلاردىڭ كونسۋلتاتيۆتىك كەڭەسىندە, ال 2018 جىلى - ادىلەت تيىمدىلىگى جونىندەگى ەۋروپالىق كوميسسيا (CEPEJ) جانە ەۋروپالىق سۋديالاردىڭ كونسۋلتاتيۆتىك كەڭەسىندە (CCJE) باقىلاۋشى مەملەكەت مارتەبەسىن الدى.
ورتالىق ازيا بويىنشا قازاقستانمەن ىنتىماقتاستىقتىڭ ءساتتى تاجىريبەسىن قايتالاۋ جوسپارلارىمەن قۇتتىقتاي وتىرىپ, ء«بىز ەۋروپا كەڭەسىمەن ماڭىزدى دامۋ ماسەلەلەرى بويىنشا تىعىز ىنتىماقتاستىق, ءوڭىرىمىزدىڭ الەۋەتىن ودان ءارى نىعايتاتىنىنا سەنىمدىمىز», - دەدى ر. ۆاسيلەنكو.
كەزدەسۋدىڭ قاتىسۋشىلارى باعدارلامانى ودان ءارى ىسكە اسىرۋعا ءبىراۋىزدان قولداۋ كورسەتتى جانە قازاقستاننىڭ زاڭدىلىقتى قامتاماسىز ەتۋدەگى پروگرەسىن قۇپتاپ, سىبايلاس جەمقورلىققا قارسى كۇرەس, گەندەرلىك تەڭدىكتى قامتاماسىز ەتۋ, ازاماتتاردىڭ قۇقىقتارى مەن بوستاندىقتارىن قورعاۋ سياقتى سالالاردا ودان ءارى تىعىز ىنتىماقتاستىققا دايىن ەكەندىگىن ءبىلدىردى. اۋستريا, ازەربايجان, ليتۆا, تۇركيا, يسپانيا جانە باسقا ەلدەردىڭ جوعارى وكىلدەرى قازاقستانداعى سوڭعى ساياسي وقيعالاردى اتاي وتىرىپ, ەلىمىزدىڭ ودان ءارى دەموكراتيالىق دامۋىنا دەگەن ۇمتىلىستارىمەن قۇتتىقتادى.
سول كۇنى ستراسبۋرگتە قازاقستاندىق دەلەگاتسيانىڭ ەۋروپا كەڭەسى باس حاتشىسىنىڭ ورىنباسارى گابريەلا باتتايني-دراگونيمەن كەزدەسۋى ءوتتى. وندا قازاقستان مەن ەۋروپا كەڭەسى اراسىنداعى ىنتىماقتاستىقتىڭ ناقتى جوسپارلارى تالقىلاندى. ىنتىماقتاستىقتى نىعايتۋدىڭ ماڭىزدى فاكتورى رەتىندە, جاقىن ارادا قازاقستاندا ەۋروپا كەڭەسىنىڭ وڭىرلىك كەڭسەسىن اشۋ ماسەلەلەرى بويىنشا دايىندىق بارىسى تالقىلاندى.
