بولىمشەلەردىڭ دايىندىق دەڭگەيىن, ولاردىڭ قويىلعان تاپسىرمالاردى ورىنداۋعا ازىرلىك دارەجەلەرىن ارتتىرۋ, ارتيللەريالىق بولىمشەلەردى دايىنداۋدىڭ وزىق تاجىريبەسى مەن ادىستەمەلەرىن بىرىكتىرۋ جانە جەتكىزۋ, تاپسىرمالاردى ورىنداۋ كەزىندە مينااتقىش بولىمشەلەردىڭ ءىس-قيمىلدارىنىڭ جاڭا ايلا-تاسىلدەرىن زەرتتەۋ سايىستىڭ نەگىزگى ماقساتى بولدى.
«شىعىس», «باتىس» جانە «وڭتۇستىك» وڭىرلىك قولباسشىلىقتارىنىڭ 5 مينااتقىش باتارەياسى قۇرامىنداعى 120-دان اسا اسكەري قىزمەتشى سايىستىڭ ءۇش كەزەڭىندە وزدەرىنىڭ تەوريالىق بىلىمدەرى مەن ءىس جۇزىندەگى ماشىقتارىن كورسەتۋ ءۇشىن ىرىكتەلىندى.
ءبىرىنشى كەزەڭ بارىسىندا باتارەيالار جالپى كوماندالىق ناتيجەلەر بويىنشا اناعۇرلىم كوپ ۇپاي سانىن جينايتىن بولىمشەنى انىقتاۋ ماقساتىندا اتىس قارۋىنان باقىلاۋ اتىستارىنىڭ جاتتىعۋىن ورىندادى. ەكىنشى كەزەڭدە اسكەري قىزمەتشىلەر بولىمشە قۇرامىندا جەكە جەكە تۇردە ارنايى دايىندىق بويىنشا وزدەرىنىڭ تەوريالىق جانە پراكتيكالىق بىلىمدەرىن كورسەتتى. ءۇشىنشى كەزەڭ بارىسىندا اسكەري قىزمەتشىلەر جاۋىگەرلىككە بارىنشا جاقىنداتىلعان جاعدايلاردا ۋاقىتقا كوپ نىسانالى جەڭىل بروندالعان تارتقىشتا ءارتۇرلى قاشىقتىقتاردا نىسانالاردان باستاپ اتىس پوزيتسيالارىن اۋىستىرا وتىرىپ, مينااتقىش زەڭبىرەكتەن پراكتيكالىق وق اتۋلاردى ورىندادى.
سايىس قورىتىندىسى بويىنشا ءبىرىنشى ورىندى «شىعىس» وڭق مينا اتقىش باتارەياسى, ەكىنشى ورىندى «وڭتۇستىك» وڭق مينااتقىش باتارەياسى جانە ءۇشىنشى ورىندى «باتىس» وڭق مينااتقىش بولىمشەسى جەڭىپ الدى.
