ماسەلەن, 2018 جىلى وتاندىق كولىك تۇراقتارى 2 مىڭنان استام تەحنيكا ساتىپ العان. قوعامدىق كولىكتەر رەسەيدەن, قىتايدان, جاپونيا, كورەيا جانە وزبەكستان ەلدەرىنەن جەتكىزىلدى. اۆتوبۋس پاركىن جاڭعىرتۋ بويىنشا ليزينگتىك قارجىلاندىرۋ جوباسى دا بىلتىر باستالعان بولاتىن. جەڭىلدەتىلگەن اۆتونەسيە مەن ليزينگكە 10 ملرد تەڭگە كولەمىندە قارجى ءبولىندى. ەسكە سالايىق, ۇلتتىق قور مەن مەملەكەتتىك قازىنادان وسى ماقساتتارعا 26 ملرد تەڭگە باعىتتالدى.
قازاقستاندا «نyundai» ماركالى جەڭىل اۆتوكولىك شىعاراتىن زاۋىت سالىنادى. بۇل تۋرالى كەشە ۇكىمەت وتىرىسىندا 2015-2019 جىلدارعا ارنالعان يندۋستريالدى-يننوۆاتسيالىق دامۋ مەملەكەتتىك باعدارلاماسىنىڭ ورىندالۋ بارىسى جايىندا بايانداعان يندۋستريا جانە ينفراقۇرىلىمدىق دامۋ ءمينيسترى رومان سكليار ايتتى.
سونىمەن قاتار, ول وڭدەۋ سەكتورىنا ەلباسىنىڭ تاپسىرماسى بويىنشا «قاراپايىم زاتتار ەكونوميكاسى» سالاسىن جەڭىلدىكپەن نەسيەلەۋ باعدارلاماسىنا توقتالىپ, بولىنگەن 600 ملرد تەڭگە كولەمىندەگى قارجىنىڭ جاڭا سەرپىن بەرۋ كەرەكتىگىن ايتتى. ونىڭ 400 ملرد تەڭگەسى ونەركاسىپتىك تاۋارلار ءوندىرىسى مەن جەكەلەگەن قىزمەت تۇرلەرىن دامىتۋعا باعىتتالماق. مەملەكەتتىك دامۋ ينستيتۋتتارى كاسە بيرجاسىنا شىعۋ ءۇشىن شاعىن جانە ورتا بيزنەستى سۋبسيديالايدى. قازاقستان قور بيرجاسىنىڭ باسقارما توراعاسىنىڭ ورىنباسارى اندرەي تساليۋكتىڭ ايتۋىنشا, ەميتەنت نارىققا جالپىعا ورتاق باعامەن شىعا الادى, الايدا ستاۆكانىڭ ءبىر بولىگىن دامۋ ينستيتۋتتارى سۋبسيديالايدى. وسى ارقىلى وتاندىق باعالى قاعازدار نارىعى جاندانا تۇسەدى, دەيدى تساليۋك. بۇل تۋرالى كۋرسيۆ پورتالى حابارلايدى.
ارينە, بۇل باعىتتا كاسە-ءنىڭ ۇتارى از. ويتكەنى جەكە قۇندى قاعاز شىعارعاننان نەسيە العان الدەقايدا جەڭىل. بىراق بۇل باعدارلاما كورپوراتيۆتىك وبليگاتسيالار نارىعىنداعى باعانى رەتتەي الاتىندىعىمەن ماڭىزدى, دەيدى ساراپشى. لوندون مەن نيۋ-يوركتىڭ شيكىزات بيرجالارىندا دۇيسەنبى كۇنگى ساۋدا-ساتتىق قورىتىندىسى بويىنشا مۇناي باعاسى قۇبىلىپ تۇر. لوندونداعى ICE Futures بيرجاسىندا مامىر ايىندا جەتكىزىلەتىن Brent ماركالى مۇنايدىڭ بولجامدىق قۇنى 28 تسەنتكە ءوسىپ, 67 دوللار 36 تسەنتتى قۇرادى. نيۋ-يورك تاۋار بيرجاسىندا (NYMEX) مامىر ايىندا جەتكىزىلەتىن WTI ماركالى مۇناي 22 تسەنتكە ارزانداپ, ءبىر باررەلى 58 دوللار 82 تسەنتكە تەڭ بولدى.
