«ازاماتتاردى ءبىرىنشى تولعاندىراتىن – ەكولوگيالىق احۋال. وسى وقيعا 13 ناۋرىزدا باستالدى, سول كۇننەن باستاپ, ماڭعىستاۋ وبلىسى بويىنشا ەكولوگيا دەپارتامەنتى تەكسەرىس جۇمىستارىن باستادى. سونىمەن قاتار, ونىڭ جىلجىمالى زەرتحاناسى كۇندەلىكتى قالامقاس كەن ورنىندا مونيتورينگ جاساۋدا. ول بىرىنشىدەن, اۋانى تەكسەرۋ. اۋانىڭ ساپاسىن, ىلەسپە سۋدىڭ ساپاسىن جانە توپىراقتىڭ ساپاسىن تەكسەرەدى. سوندىقتان, مونيتورينگ كۇندەلىكتى جۇرگىزىلۋدە جانە 4,5 شاقىرامنان كەيىن كاسپي تەڭىزى بار. سوعان بايلانىستى, قازگيدرومەت كاسپي تەڭىزىنىڭ جاعالاۋىنا دا مونيتورينگ جاساۋدا», - دەپ مالىمدەدى قر ەنەرگەتيكا ۆيتسە-ءمينيسترى سابيت نۇرلىباي ۇلى ورتالىق كوممۋنيكاتسيالار قىزمەتىندە.
ونىڭ ايتۋىنشا, قازىرگى ۋاقىتتا تۇرعىندارعا ءتونىپ تۇرعان ەشقانداي قاۋىپ جوق.
«وسى كەن ورنىنا ەڭ جاقىن اۋىل – 70 شاقىرىمداعى شەبىر اۋىلى. ودان كەيىن قازان اۋىلى 80 شاقىرىم جەردە ورنالاسقان. تۇرعىندارعا ەكولوگيالىق جاعداي اسەر ەتەتىن ەشقانداي احۋال جوق», - دەدى سابيت نۇرلىباي ۇلى.
سونىمەن قاتار, كۇندەلىكتى تەكسەرىستىڭ ناتيجيەسىندە ەكولوگيالىق جاعداي ءالى دە باقىلانىپ, ارنايى شارالار قابىلدانباق.
ايتا كەتسەك, 13 ناۋرىزدا ماڭعىستاۋ وبلىسىنداعى «قالامقاس» مۇناي-گاز كەن ورنىندا «سي بۋ» ينجەنەرلىك بۇرعىلاۋ كومپانياسى» جشس جوبالىق تەرەڭدىگى 903 مەترلىك №8237 ۇڭعىماسىن بۇرعىلاۋ بارىسىندا گاز-سۋ قوسپاسى اتقىلاپ, توتەنشە جاعداي بولعان ەدى.
